कमला नगरपालिकाको वडा नं. २ वडाध्यक्षमा पुनः 'ठकाई यादव' लाई नै टिकट

न्यूज ब्यूरो, जनकपुरधाम । धनुषा जिल्लामा ईमान्दार नेताहरुमध्ये शिवधारी यादव र ठकाई यादवको नाम उच्च श्रेणीमा आउँछ ।

धनुषाको कमला नगरपालिका वडा नम्बर २ को वडाध्यक्षको लागि पुनः नेपाली काँग्रेसले ठकाई यादवलाई टिकट दिएको छ । गत चुनावमा उनी झिनो मतले पराजीत भएका थिए ।

नेपाली काँग्रेसभित्रै अन्तरघातको परिणामले २६ मतले हारेका ठकाई यादव पुनः वडाध्यक्षमा भिडने भएको छ ।

कमला नगरपालिकाको वडा नम्बर २ को माचि झिटकैया, सराबे, तेलिया, बिजुलीया र सुन्दरपुर टोलमा काँग्रेसको सँगठन बलियो मानिन्छ । पार्टीभित्रै अन्तरघात नगरिए उनी जित्ने सम्भावना प्रबल छ ।

यस्तै, निवर्तमान वडाध्यक्ष धनेश्वर यादवले पुनः वडाध्यक्षको लागि जसपाबाट टिकट पाएका छन् । उनले दोस्रो कार्यकालको लागि जनता समाजवादी पार्टीबाट वडाध्यक्षमा आज मनोयन दर्ता गराउने तयारीमा छन् ।