चुनाव जित्न 'कालाजादु' गरेको आरोप, निर्वतमान मेयर भन्छन्- 'गायत्री मन्त्र' मात्र पढेको

न्यूज ब्यूरो, वीरगँज । चुनावी सरगर्मीसँगै उम्मेदवारहरुले एक आपसपमा आरोप प्रत्यारोपको खेती पनि सुरु गरेको छ ।

सोही क्रममा वीरगँज महानगरपालिकाका निवर्तमान मेयर एमव् उद्योगपति समेत रहेका बिजय सरावगीलाई चुनाव जित्न साम, दाम, दण्डभेदसँगै कालाजादुको प्रयोग गरेको आरोप लागेको छ । यसैलाई विजयका विपक्षीले चुनावी मुद्दा बनाएका छन् ।

जसपाका सांसद प्रदिप यादव भन्छन्– ‘मेयर सरावगी चुनाव जित्नको लागी एक हप्तादेखि मसान घाटमा राती राती पूजा गर्दै हिँडेका छन्, त्यहाँ विपक्षीको फोटो राखी कालाजादुबाट हान्ने कामहरू भइरहेको छन् । मन्दिर मन्दिर पूजा पाठ गरिंदै छ तर पनि चुनाव चाहिँ हामी नै जित्छौ ।’

जसपाको तर्फबाट भएका कोणीय सभा तथा पार्टी प्रवेश कार्यक्रममा सांसद प्रदिप यादवले ‘चुनाव हार्ने निश्चित भएका कारण सरावगी कालाजादुको प्रयोगमा लागेको’ बताएका छन् ।

यता सरावगी भन्छन्, ‘आफू सात्विक व्यक्ति भएकाले विगतको चुनावमा गायत्री मन्त्रको जप गराएको र यो चुनावमा पनि पण्डितहरूबाट गायत्री मन्त्रको जप गराइरहेको छु ।’

यता, अहिले वीरगञ्जमा गठबन्धनको तर्फबाट जसपाका सिंह र एमालेका सरावगीबीच नै मुख्य प्रतिस्पर्धी हुन वीरगञ्जमा गठबन्धनको आधारमा जसपा मजबूत छ भन्ने केही तथ्यहरूले पुष्टि गर्छन् ।

वीरगञ्जमा अहिले एक लाख २४ हजार ६४७ जना मतदाता छन् । जसमा पुरुष ७० हजार ८१० र महिला ५३ हजार ८३३ जना छन् ।

गत चुनावमा कुल मतदाता सङ्ख्यामध्ये ६३ प्रतिशतले मत हालेको थियो । यसपालि पनि सोही हाराहारीमा मत खस्ने अनुमान गरिएको छ ।

गत चुनावमा तत्कालीन मधेसी जनअधिकार फोरमका (अहिले जसपा) का सरावगीले १९ हजार ३९२, काङ्ग्रेसका अजयकुमार द्विवेदीले १७ हजार १९७, राजपाका राजेशमानले १२ हजार १६५ विजयकुमार गच्छदारको मधेसी जनअधिकार फोरम लोकतान्त्रिकका विमल श्रीवास्तवले आठ हजार ७०९, एमालेका बसरुद्दीन अन्सारीले आठ हजार ६८८, र माओवादीका रहबर अन्सारीले आठ हजार ३०५ मत ल्याएका थिए ।

यसपटकको स्थानीय चुनावमा महानगरको कुल मतदाता सङ्ख्यामध्ये ६३ प्रतिशत मत खस्यो भने त्यो सङ्ख्या ७८ हजार ५२७ हुनेछ । जसमा नगरप्रमुखका लागि दुईजना मात्र प्रमुख उम्मेदवार भए जीतका लागि कम्तीमा ४० हजार मत आवश्यक हुन्छ ।

---

यात्राडेलीबाट