जनकपुरका डा. रामस्वार्थ राय डेनमार्कको राजदुतमा नियुक्त

न्यूज ब्यूरो, जनकपुरधाम । जनता समाजवादी पार्टी (जसपा) नेपालका नेता एवम् प्राध्यापक डा. राम स्वार्थ राय (राय सर) डेनमार्कको राजदुतमा नियुक्त भएका छन् ।

सरकारले विहिबार गरेको राजनीतिक नियुक्तीको क्रममा जनता समाजवादी पार्टीबाट रायलाई डेनमार्कको लागि राजदूत नियुक्त गरिएको हो ।

विहिबार सरकारले २० देशको लागि राजदूत नियुक्त गरिएकोमा रायलाई डेनमार्कको लागि राजदूत नियुक्त गरिएको हो ।

यस्तै, चीनको लािग विष्णुपुरका श्रेष्ठ, दक्षिण अफ्रिकाको लागि दानबहादुर तामाँग, स्पेनको लागि शर्मिला पराजुली, श्रीलँकाको लागि बासुदेव मिश्र, रसियाको लागि मिलन तुलाधार, अष्ट्रेलियाको लागि कैलाश पोखरेल, मलेसियाको लागि डिल्लीराज पौडेल, इजरायलको लागि शान्ता रिजाल, दक्षिण कोरियाको लागि ज्योती प्याकुरेल, साउदी अरबको लागि नवराज सुवेदीलाई नियुक्त गरिएको हो ।

यस्तै, देश नखुलेको नरेश विक्रम ढकाल तथा करियर परराष्ट्र सेवाबाटै नियुक्त हुने धनश्याम भण्डारी, हरिशचन्द्र घिमिरे, तीर्थराज वाग्ले, डोरनाथ अर्याल, शुशिल कमार लम्साल, भरतकुमार रेग्मी, निर्मलराज काफले र दुर्गा बहादुर सुवेदीलाई नियुक्त गरिएको हो ।