जनता कुटे जनप्रतिनीधि, टाउकोमा १० टाँका

न्यूज ब्यूरो, जनकपुरधाम । पूर्वी धनुषाको कमला नगरपालिकास्थित जनप्रतिनीधिले नै जनता कुटेपछि गम्भिर घाईते भएका छन् ।

कमला नगरापालिका वडा नम्बर २ सराबे टोलस्थित राम शरण मण्डलको छोरा रामनारायण मण्डलले स्थानीय जगत मण्डललाई टाउकोमा प्रहार गर्दा गम्भिर घाईते बनेका छन् ।

गत मँगलबार राती करिब ९ बजेको समयमा आफ्नो पैसा माग्न जाँदा वडासदस्य रामनारायण सहित उनका छोरा नीरज मण्डल र सोही ठाउँ बस्ने राम दयाल मण्डलको छोरा सँजय मण्डल लगायत मिलेर जगतलाई निर्घात कुटपिट गरेको बताइएको छ ।

माटो खसाईदिनको लागि वडासदस्य मण्डलको छोरालाई पैसा दिएकोमा माटो खसाईनदिएपछि जगतले आफ्नो पैसा फिर्ता माग्न जाँदा कुटपिट गरिएको प्रहरी चौकी माचि झिटकैयाले जनाएको छ ।

स्थानीयलाई उदृत गर्दै चौकीले घ ३ जना मिलेर जगतलाई कुटपिट गरी टाउकोमा प्रहार गर्दा गम्भिर घाईते भएको हो । उनको अहिले जनकपुरस्थित गोल्डेन हस्पिटलमा उपचार भईरहेको छ ।

जगत मण्डलको टाउकोमा १० वटा टाँका लगाइएको छ । टाउकोमा फाटाले प्रहार गरी गम्भिर घाईते बनाइएको जनाएको छ । यद्यपी, आरोपितहरु अझै पक्राउ गर्न सकिएको छैनन् ।