बलात्कार काण्ड : "धर्म पनि लुटे, धन पनि लुटे"

न्यूज ब्यूरो ||
जनकपुरधाम, १६ चैत्त । धनुषामा बुधबार राती भएको बालिका बलात्कार काण्डमा थप टवीस्ट आएको छ ।

घटनाा संलग्नहरुले घरबाट दराज फोडेर २ लाख ९० हजार रुपैयाँ समेत लुटेर भागेको पीडित परिवारले जनाएको छ ।

आफ्नो आफन्त कहाँ न्यौतामा गएका पीडित बालिकाका आमावुबा आएपछि ती रकम दराजबाट लिएर भागेको बताएका छन् ।

उनीहरुले ईज्जत पनि लुटे, धर्म लुटे र धन पनि लुटे, हामी गरिब, कोही अरुको पैसा सुरक्षित राखेका थियौ, हामी त घर को न घाटको भयौँ अब । छोरी कसरी बाँच्लिन मेरी ? पीडिता परिवारले रुदैँ भने ।

परिवारले भने, "मेरो कमाउने कोही छैन, काम गरेर खान्छु, छोरीलाई पढाउँछु, त्यो रकम पनि यसको (पीडित बालिका) फुफाले घरायसी कामको लागि कर्जा दिएको थियो, तर उनीहरुले दराज फोडेर त्यो पनि लगेका छन् । जम्मा ३ लाख रुपैयाँ थियो, १० हजार रुपैयाँ खर्च भएको थियो, न्यौतामा जाँदा हामी केही रकम निकाले थियौँ, बाँकीको पैसा दराजमा छैन, दराज पनि फुटेको छ । अब कसरी बाँच्ने ? धन र धर्म दुवै लुटयो ।"

धनुषाको शहिदनगर नगरपालिका वडा नं. ८ मा बुधबार राती करिब ११ बजे एक बालिका उपर भएको सामुहिक बलात्कारको घटनालाई लिएर स्थानीयवासीहरु आन्दोलित भएका छन् ।

स्थानीयहरुले स्थानीय निकायका जनप्रतिनीधि, मेयर र वडाध्यक्ष विरुद्ध नारावाजी गर्दै मेयरले आफू पीडितसँग भेट गरेको भनेपनि अहिलेसम्म पीडितलाई नभेटेको न्यूज ब्यूरोसँग भने ।

वडाध्यक्ष समेत पीडित परिवारलाई हेर्न नआएको गुनासो स्थानीयवासीहरुले गरेका छन् ।

जिल्ला प्रहरी कार्यालय धनुषाले सिरहा प्रहरीसँग समन्वय गरी घटनामा संलग्न भनिएका मनोज नरसरिया र दीपेश विराजीलाई खोजतलास तीव्र पारेका छन् ।

फरार भएका दुवै जना सिरहामा हुन सक्ने तथा त्यहाँबाट भारततर्फ भाग्ने आशँका गरिएको छ ।