साईबर अपराध तथा सुरक्षा सम्बन्धी तालिम सम्पन्न

न्यूज ब्यूरो, जनकपुरधाम । समाजिक सँजाल सहित इन्टरनेटबाट हुने अपराधिक गतिविधिलाई नियन्त्रण तथा न्यूनिकरणको उदेश्यले धनुषाको कमला नगरपालिकामा चार दिने साईबर अपराध तथ सुरक्षा सम्बन्धी तालिम सम्पन्न भएको छ ।

गत साताको विहिबार (फागुन २६) गतेदेखि सुरु भई चारदिनसम्म चलेको सो तालिममा नगरभरिको ५५ जना विद्यार्थीहरुको सक्रिय सहभागिता रहेको थियो । आईतबार सो तालिम सम्पन्न भएको हो ।

समापन कार्यक्रममा अध्यक्षता गरेका वडा नम्बर ३ का वडाध्यक्ष विशेश्वर यादवले तालिमबाट प्राप्त उपलब्धीहरुलाई व्यवहारमा कार्यन्वयन गर्नुपर्ने बताए ।

नगरपालिकाको विभिन्न विद्यालयबाट सहभागी छात्रछात्राहरुलाई वडाध्यक्ष यादवले साईबर अपराधबाट जोगिनको लागि र यस्ता गतिविधिमा नलाग्न अन्य साथीभाई, समाजलाई, छरछिमेकलाई समेत बताउन आग्रह गरे ।

अन्तिम दिन आईतबार चारदिनसम्म भएको तालिमको क्रममा सिकाईका कुराहरुलाई सहभागीहरुले पालैपालो प्रस्तुत गरेको थियो । सो क्रममा उनीहरुले डिजेमा बज्ने अश्लिल गीत, टिकटकमा हालिने भिडियो, फेसबुकमा हालिने फोटो वा भिडियोको सबालमा निरन्तर यस्ता तालिमहरु भए जागरुकता हुने प्रतिक्रिया दिएको थियो ।

समापन कार्यक्रममा बोल्दै ईलाका प्रहरी कार्यालय खजुरीका प्रहरी नीरिक्षक रबिनराज मैनालीले कमला नगरपालिकाले पहिलो पटक समाजिकहितको कार्यक्रम गरेकोप्रति आभार प्रकट गरे ।

समापन कार्यक्रममा प्रमुख प्रशासकीय अधिकृत सुबोध ठाकुर, वडाध्यक्ष विशेश्वर यादव, वडा नम्बर २ का वडाध्यक्ष धनेश्वर यादव, वडा नम्बर १ का वडाध्यक्ष राजकुमार यादव, प्रशिक्षक, विद्यार्थीहरुको सहभागीता रहेको थियो ।