बलात्कारको घटनापछि एक्सनमा मेयर, दोषी खोज्दै सिरहासम्म

न्यूज ब्यूरो ||
जनकपुरधाम, १५ चैत्त । एक बालिका उपर सामुहिक बलात्कार भएको घटनापछि कान्छो मेयर एक्सनमा आएका छन् ।

'एक्सन म्यान मेयर' भनेर चिनिने शहिद नगर नगरपालिकाका मेयर उदय कुमार बरबरियाले दोषी खोज्दै सिरहा प्रहरीसम्म पुगेका छन् ।

नगरपालिकाको वडा नं. ८ विसरभोरामा गएराती एक १३ बर्षिय बालिकालाई सामुहिक बलात्कार गरेको घटनाको खवर पाए लगत्तै पीडित समक्ष पुगेका मेयर बरबरियाले दोषीलाई पक्राउ गर्न विभिन्न ईलाका प्रहरी कार्यालयका प्रहरी टोलीलाई आग्रह गरेका छन् ।

"दोषी जो कोही होस्, उम्कन पाउँदैन, सबैले माओवादी पार्टीको हो भनेर मलाई दोष दिने गरेको छ । दोषी कुनै पार्टीको हुँदैन र दोषी मेरो मान्छे हुनै सक्दैन, उनीहरु दोषी हुन, जसरी पनि बक्सिने छैन । मेरो नगर भित्र यस्तो घटना भएको छ, म त्यतिकै बस्दैन, ठाउँको ठाउँ एक्सन लिने मान्छे हो म, यस्तो घटनामा सँलग्न अपराधीलाई त यो जुनीमा छाडदैन ।" उनले न्यूज ब्यूरोसँग भने ।

दोषी पक्राउ गर्न जिल्ला प्रहरी कार्यालय सिरहका प्रहरी प्रमुख, ईलाका प्रहरी कार्यालय खजुरी र दुबरकोटलाई समेत आग्रह गरेको भन्दै जुनसुकै अवस्थामा पनि दोषी उम्कन नपाउने प्रतिबद्धता मेयर बरबरियाले पीडितसँग राखेका छन् ।

बलात्कार गर्ने दुवै जना माओवादी पार्टीबाट हुन र मेयरकै मान्छे हो भनेर आरोप लगाएपछि आरोपलाई खण्डन गर्दै भने , "म स्थानीय तहको मेयर हो, र यो मायने राख्दैन की कुन पार्टीको हो, म अहिले पार्टीको होईन जनताको प्रतीनिधी हुँ, माओवादी पार्टीका कार्यकर्ता हुँदैमा मेरै मान्छे हुनुपर्छ भनेर छैन, मेरै मान्छे हो भएपनि, मेरो आफ्नै भाई भएपनि उसले अपराध गरेका छन् , गम्भिर अपराध गरेका छन्, यति विश्वास राख्नुस, उदय बरबरियाले त्यतिकै छाड्दै, चाहे जस्तोसुकै शक्ति लगाओस कसैले, जे गरोस, कानुनले उनीहरुलाई अति शिघ्र दायरामा ल्याउँनेछ ।"

ईलाका प्रहरी कार्यालय यदुकूहा, प्रहरी चौकी चोरा कयलपुर, दुबरकोट प्रहरी र खजुरी प्रहरीको टोली अपराधी खोजबिन गर्न सक्रियता बढाएको भन्दै अपराधी शिघ्र कानुनको दायरामा आउने भनेर विश्वास राख्न नगरवासीलाई सम्बोधन गर्दै भने ।

बुधबार राती करिब ११ बजे शहिद नगर नगरपालिका वडा नं. ८ बिसरभोरामा आमा बुवा घरमा नभएको मौका छोपी स्थानीय धनिक लाल नरसरियाको छोरा अन्दाजी बर्ष ३२ का भुट्टाई भन्ने मनोज नरसरिया र जतन बिराजीका अन्दाजी ३० बर्षिय छोरा दिपेश बिराजीले ती बालिकालाई घरबाट मुख बाँधेर गाउँबाट पर लगि सामुहिक बलात्कार गरेको हो ।