नेकपा एमाले धनुषाधाम नगरपालिकाको नगर अध्यक्षमा यादव सर्वसम्मत

न्यूज ब्यूरो,जनकपुरधाम । नेकपा एमाले धनुषाधाम नगरपालिकाको दोस्रो नगर अधिवेशनमा नगर अध्यक्षमा योगकुमार यादव सर्वसहमतिले चयन भएका छन् ।

धनुषाधाम नगरपालिकाको लागि मेयरका प्रत्यासी समेत रहेका यादव नेकपा एमाले पार्टीबाट नगर अध्यक्षको जिम्मेवारी सम्हालेका छन् ।

नेकपा एमाले पार्टिको पोलिव्युरो सदस्य तथा पुर्वमन्त्री जुलि कुमारी महतोको प्रमुख अतिथिमा नगर अधिवेशनको उदघाटन गरिएको थियो ।

उदघाटन गर्दै नेतृ महतोले गाउँ गाउँबाट एमाले पार्टि देशमा परिवतर्न गर्न विकासको तर्फ अगाडि बढन मजबुत हुुनु पर्ने बताइन । धनुषाधाम नगरपालिकामा नेकपा एमालेको सरकार हुने विश्वास समेत जनाइन् ।

नेतृ महतोले दोस्रो नगर अधिवेशनमा पार्टिको वफादार, हरेक समय संगठन प्रति ढृढ रहने व्यक्तिलाई चयन गर्न सुझाव दिएकी थिइन । उनले सर्वसहमतिमै नेतृत्व चयन गर्न सुझाव दिएकी थिइन ।

धनुषाधाम नगरपालिकाको धनुषाधाम स्थित सिताराम कुटिको प्रांगनमा भएको दोस्रो नगर अधिवेशनबाट यादवलाई नेतृत्वको जिम्मेवारी दिएपछि उनका शुभचिन्तकहरुले बधाई ज्ञापन गरेका छन् ।

कार्यक्रममा नेकपा एमाले केन्द्रिय सदस्य रामचन्द्र मण्डल,सबिता यादव,सिला यादव लगायतका व्यक्तिहरुको उपस्थिति रहेको थियो ।