पूर्व शिक्षालय प्रमुख विनोद चन्द्र झा र संजय यादवलाई भव्य विदाई

न्यूज ब्यूरो, रौतहट । रौतहटको देवाही गोनही नगरपालिका वडा नं ९ स्थित जय किसान बहुप्राबिधिक शिक्षालयका पूर्व शिक्षालय प्रमुख ई. विनोद चन्द्र झा र सिभिल डिपार्टमेन्टका सञ्जय यादवलाई भव्य विदाई गरिएको छ ।

हाल अहिलेका नव शिक्षालय प्रमुख धनोज कुमार यादवले दुवै जनालाई शनिबार एक कार्यक्रमको आयोजना गरी भव्यताका साथ विदाई गरेको हो ।

शिक्षालयमा हुँदा दुवै जना राष्ट्रसेवक कर्मचारी भएर जनहितकारी कार्यहरु गरेको स्मरण गर्दै उनका समकक्षीहरुले दुवै जनालाई विधिवत स सम्मान विदाई गरेको हो ।

विदाई समारोह कार्यक्रममा सिभिल विभागका प्रमुख ई. नन्द किशोर राय यादवले “विगत पाँच वर्षदेखि शिक्षालयलाई भौतिक तथा शैक्षिक रूपमा र प्रत्येक जुन सुकै अवस्थामा यो शिक्षालयलाई देखेका थिए, त्यहाँबाट भव्यरुपमा बिकसित हुँदै आएको हो र हामी बिच अभिभावक बनेर जुन भूमिका निर्वाह गर्नु भएका छन,त्यो श्रेय चाहिँ पूर्व शिक्षालय प्रमुख झालाई दिन चाहन्छु ।”– भने ।

त्यसैगरी अङ्ग्रेजी विषयका शिक्षक रामानन्द यादवले आँखा भरी आँसु पुछ्दै पूर्व शिक्षालय झाको खुट्टा ढोग्दै दोसाला ओढाई फूलमालाका साथ सम्मान र बिदाई गरे।

सोही क्रममा नयाँ शिक्षालय प्रमुखका रुपमा ई. धनुज कुमार यादवलाई स्वागत गरेका थिए। ई. विनोद चन्द्र झाको अध्यक्षता तथा ई. धनोज कुमार यादवको प्रमुख आतिथ्यमा आयोजित विदाई समारोहमा शिक्षालयमा हुँदा उनीहरुले दिएको योग्दानको चर्चा गरिएको थियो ।

जय किसान बहुप्राबिधिक शिक्षालय धरहरी रौतहटको निवर्तमान शिक्षालय प्रमुख ई।बिनोद चन्द्र झा प्राविधिक शिक्षा तथा व्यावसायिक तालिम परिषद्को प्रदेश कार्यलय मधेश प्रदेश जनकपुरधाममा सरुवा भएका छन्।

बिगत पाँच वर्ष देखि यस शिक्षालय प्रमुखको भुमिका कुसल रुपमा निर्वाह गर्दै आएको झाको आगामीको कार्यकालका सफलताको शुभकामना समेत विदाई कार्यक्रममा दिइएको थियो ।

सो कार्यक्रम उद्घोषकको रुपमा रहेका कृषि बाली विज्ञान विभागका प्रमुख सुशिल नारायण शाहले सँचालन गरेका थिए ।

विदाई समारोहमा अतिथिको रुपमा ई. नन्द किशोर राय, सूचना प्रबिधि विभागिय प्रमुख सर्वेश कुमार पाठक, विशाल मल्लिक, रामानन्द यादव, भोला राय यादव, रीता कुमारी साह, गोविन्द कुमार महतो, शिव दयाल यादव, कविता कुमारी साह, राजु चौधरी लगायतका व्यक्तिहरुको उपस्थिति रहेको थियो ।