विदेशमा मृत्यू भएका जनकपुरका एक पुरुषको पार्थिव शरिरको NRMA द्धारा उद्धार

न्यूज ब्यूरो, दुबई । युएईको दुबईमा कामको शिलशिलामा मृत्यू भएका धनुषाका एक पुरुषको मृत शरिरलाई गैर आवासीय मधेशी सँघले उद्धार गरी नेपाल पठाउन सफल भएको छ ।

गैर आवासीय मधेशी सँघ (एनआरएमए) को नेतृत्वमा मधेशी एकता समाज लगायतका सँस्था एवम् प्रतिनीधिहरुको अथक प्रयासले वैदेशिक रोजागरीको क्रममा विदेशमा ज्यान गुमाएका धनुषाको सबैला नगरपालिका वडा नम्बर १२ रघुनाथपुरका योगेन्द्र भेदिहारको पार्थिव शरिरलाई नेपाल पठाएको हो ।

वैदेशिक रोजगारीको सिलसिलामा भिजिट भिषामा युएई आएको डेढ वर्ष देखि काम गर्दै आएको भेदिहार २० डिसेम्बर २०२१ राती कोठामा सुतेकै क्रममा मृत्यु मृत्यू भएको बताइएको छ ।

भेदिहारको मृत्यूपछि उनको पार्थिव शरिरसँग परिवारजनको अन्तिम भेँट र सँस्कार गर्नको लागि कसैले पहलकदमी नगरेपछि गैर आवासीय मधेशी सँघले जानकारी पाएलगत्तै पहलकदमी सुरु गरेको थियो ।

डा. सिके राउत नेतृत्वको जनमत पार्टी निकट प्रेस जनमत संघको केन्द्रीय अध्यक्ष बिपी साहले गैर आवासीय मधेशी संघ युएई शाखालाई जानकारी गराएपछि पहलकदमी तीव्र पारिएको थियो ।

युएईमा रहेको गैर आवासीय मधेशी संघको वरिष्ठ सल्लाहकार संत साहले विभिन्न तरिकाबाट खोज तलाश छानवीन गरी मृतकको पार्थिक शरीर पता लगाएका थिए ।

निरन्तर रूपमा आफ्नो कामको साथसाथै मृत्कको कम्पनी तथा नेपाल एमबीसी संग समन्वय गर्न वरिष्ठ सल्लाहकार अमित शर्माले सहयोग गरेका थिए । २ महिना देखि निरन्तर रूपमा फलॉअप गर्दै कानुनि नियम प्रक्रिया कागजात पुरा गरी मृतकको पार्थिक शरीर लाई स्वदेश पठाउन अहम भुमिका निर्वाह गरेका छन ।

भेदिहार काम गर्दै आएको कम्पनीलाई पार्थिक शरीर स्वदेश पठाउन आग्रह गरे पछि कम्पनीले कानुनी प्रक्रिया अनुसार पठाउन तयार नभएको अवस्थामा गैर आवासीय मधेशी सँघले प्रक्रियाको लागि पहल थालेको थियो।

मृतकको परिवारिक स्थिति पनि अन्ततै कमजोर रहेको तथा आमाबुवा पनि बितिसकेको अवस्था छ । एउटा ९ महिनाको छोरी र श्रीमति मात्र रहेका छन ।

गैर आवासीय मधेशी संघ यूएईले आर्थिक सहयोगको लागि मधेशी युनाइटेड लगायत अन्य विभिन्न संघ संस्थाबाट आर्थिक सहयोगमा मृत्कको पार्थी शरीरलाई स्वदेश पठाउन सफल भएको ।

गैर आवासीय मधेशी संघ युएई शाखाको अध्यक्ष जग नारायण मंडल, वरिष्ठ सल्लाहकार संजय कर्ण, सन्त शर्मा, कोषाध्यक्ष सदाम अंसारी, मधेशी एकता समाज उपाध्यक्ष कृष्ण ठाकुर, लगायत अन्य विभिन्न संघ–संस्था, स्वराजी , एरिया कोडिनेटर, एक्टिव मेम्बर्स, बुद्धिजीवी, व्यवसायी, व्यापारीहरुले प्रत्यक्ष सहयोग गरेको थियो ।

भेदिहारको पार्थिव शरिरलाई नेपाल पठाउँदै अध्यक्ष मण्डलले प्रत्यक्ष तथा अप्रत्यक्ष रूपमा सहयोग गरेका टिमलाई धन्यवाद दिँदै भिजिट भिषामा आउने युवाहरूलाई बिना स्किल, काम खोजेर यहि काम गर्ने गरी विदेश नआउने आग्रह गरेका छन् ।