बोक्सी भन्दै कुटपिट गर्दा ५ जना विरुद्व जाहेरी दर्ता, मुख्य आरोपित पक्राउ

राधेश्याम कुशवाहा, सर्लाही । सर्लाहीको ईलाका प्रहरी कार्यलय बहरथवाले बोक्सीको आरोपमा मुस्लिम एकल महिलालाई गाली, बेईज्जती सहित कुटपिट गरेको अभियोगमा ५ जना विरुद्व किटानी जाहेरी दर्ता गरेको छ ।

सर्लाहीको धनकौल गाउँपालिका वडा नम्बर ३ हरकठवा, पुराना बजार निवासी सतन साहको ४० बर्षिय छोरा मगनी साह र ३० बर्षिय होरिल साह, जगरनाथ साहको ४५ बर्षिय नुनु साह र नाति २५ बर्षिय जित कुमार साह, गंगाधार साहको २१ ब्र्षिय सुनिल साह विरुद्व जाहेरी दर्ता गरिएको छ ।

स्थानिय ६५ बर्षिय एकल मुस्लिम महिला वकिला नेहाले दिएको किटानी आधारमा जाहेरीको आधारमा २ जनालाई पक्राउ गरी कानुनी प्रक्रिया अगाडी बढाईएको ईलाका प्रहरी कार्यलय बरहथाले जनाएको छ ।

जाहेरी दर्ता पछि के भन्छन पिडित परिवार ?

घटना भएको १२ दिनपछि जाहेरी दर्ता भएपछि न्यायका लागि आश जागेको पिडित महिला वकिला खातुनले बताईन ।

केही दिन अघि बोक्सीको आरोपमा कुटपिट गरी मलमुत्र खुवाईदिने धम्की दिएको व्यक्तिहरु स्थानिय स्तरमै मिलापत्र गर्न खुट्टा समात्न आउदा देशमा कानुन र न्याय जिवितै रहेको मससुस गरेकोे बताईन ।

मेरो मान, प्रतिष्ठा आत्मसम्मान र अस्मितामाथि चोट पुर्याउने काम गरिएको छ । उनले भनिन । हामीलाई न्याय चाहियो । बोक्सीको आरोपमा कुटपिट र बेईज्जती पछि आत्मा दुखेको छ, म लगायत परिवाका सबै सदस्यलाई खाना रुच्न छाडेका कारण घरको चुल्हो समेत बन्द हुने स्थितिमा पुगेको थियो ।

गएको ईज्जत फिर्ता नआउने भन्दै पिडित महिला बोल्दा बोल्दै रुन थालिन । परिवारमाथि अन्याय हुदाँ गाउँका कोही अघि आएन तर हामी काुननी प्रक्रियामा अघि बढेपछि घटनालाई स्थानिय स्तरमै मिलापत्रका लागि दबाब दिन घरमा भिड हुने गरेको गुनासो गरिन ।

घटनालाई लिएर ईलाका प्रहरी कार्यलय, बरहथवाले देखाएको सक्रियता र डिएसपिबाट पाएको साथ र सहयोगले सबै प्रहरी उहाँ जस्तै भईदिए कोही अन्यायमा नपर्ने थपिन ।

जाहेरी दर्ता नहुदाँ हाम्रो परिवार तनावमा थियो, दर्ता भएपछि राहतको सास फेर्न पाएको पिडित महिलाको छोरा महबुब अंसारीले बताए । घटनाको मिलापत्र गर्न चौतर्फी दबाब आएको र पिडकले कारागारबाट छुटेर ज्यान मार्ने धम्की दिएर समेत तर्साएको गुनासो गरे । हाम्रो परिवारमाथि भएको घटना अरु कुनै पनि परिवारमाथि नहोस भने हामी कानुनी प्रक्रिया गएका छौ ।

प्रहरी प्रमुखबाट घटनाको बारेमा देखाएको सक्रियताले हाम्रो परिवार सुरक्षित महसुस गर्दै छन । उनले भने ।

अल्पसंख्यक भएकाले पिडकको आतंकले आफनो त्रसित बनेको थियो । आफनो न्यायका लागि प्रहरी अगाडि आउदा कानुन भन्दा कोही माथि नरहेको महसुस गर्न पाएका छौ । उनले भने । हाम्रो जाहेरी दर्ता भएपछि आत्मबल बढेको छ । प्रहरी प्रशासन र न्याय जिवितै रहेको महसुस गर्न पाएको अंसारीले बताए ।

बोक्सी घटनामा प्रहरी प्रशंसनिय सक्रियता
आईतवार बिहान बरहथवाका डिएसपी उमाशंकर यादव सहितको प्रहरी टोलिले बोक्सी घटनाको सत्यथ्य बुझ्न घटनास्थलमा पुगि पिडित परिवार लगायत स्थानीयसंग कुराकानी समेत गरे ।

बोक्सी आरोपमा महिलामाथी गरिएको अमानवीय व्यवहार जघन्य अपराध रहेको र घटनामा संलग्न जो कोहीलाई कानुन अनुसारको कार्वाही गर्न प्रहरी प्रतिबद्ध रहेको आश्वासन समेत डिएसपी यादवले दिनुभयो ।

पिडितले ईलाका प्रहरी कार्यलय, बरहथवामा जाहेरी लिएर नआएको र निवेदन लिएर आएपनि यसबारे हामीलाई कुनै जानकारी नभएको कारणले जाहेरी दर्तामा ढिलो हुन गएको यादवले बताए ।

बोक्सी सम्बन्धि कसुरका मुख्य आरोपित मगनी साह र निजकै भाई होरिल साहलाई पक्राउ गरिएको जिल्ला प्रहरी कार्यलय सर्लाही का प्रवक्ता माधव प्रसाद बुढाथोकी जानकारी दिए। उनिहरुमाथि जिल्ला अदालतबाट ३ दिनको म्याद थप गरी अनुसन्धान प्रक्रिया अगाडी बढाएको बताए ।

यसरी भयो घटना
यो घटना सर्लाहीको पश्चिमी भू भागमा अवस्थित धनकौल गाउँपालिका वडा नम्बर ३ हरकठवा गाउँको हो ।

स्वर्गीय ईजराईल अंसारीको अन्दाजी ६५ बर्षिय श्रीमतीलाई जादुटुना गरी आफनो श्रीमती विरामी पारेको भन्दै स्थानियको एक समूहले महिलालाई गाली, बेईज्जती दिनुको साथै गाउँबाटै उठिबास लगाईदिने धम्की समेत दिदै आएको थियो ।

स्थानिय मंगनी साह, भाई होरिल साह, आफन्त नुनु साह, जित साह, सुनिल साह लगायतका समूहले घरमै गएर परिवारमाथि सामूहिक आक्रमण गरी कुटपिट गरेको थिए ।

कुटाईबाट महिलाको आँख, नाक र मुखमा गम्भीर चोट लागेको थियो भने छोराको अनुहार समेत फुलेका थियो । घटना भए १२ दिन बित्न लाग्दा पनि आँख र अनुहारमा निलडाम देखिन्छ ।

उनिहरुले आर्थिक रुपमा विपन्न अल्पसंख्यक मुस्लिम समुदायका परिवारलाई साम्प्रदायिक हिंसा भडकाईदिने, परिवारका उठिबास लगाउने देखि छोराको ज्यान मार्ने धम्की समेत दिदै आएको थियो । पिडकको आतंकले मुस्लिम परिवार त्रसित भएर बाँच्न बाध्य हुदै आएको छ ।

केही दिनअगाडी आफनो पसलबाट समान किने वापत बाँकी रहेको ५० रुपिया माग्न खोज्दा श्रीमतीमाथि जादु टुना गरी विरामी पारेको भन्दै गाली बेईज्जती दिदै आएको पिडित महिला वकिला नेसाले दुखेसो पोखिन ।

आर्थिक रुपमा विपन्न र असहाय भएको कारण उनिहरुको गाली बेईज्जती सहन गर्दै आएकी थईन, उनले भनिन । तर गएको माघ ३ गते राति करिब १० बजे ५÷६ जनाको समूहमा आएका उनिहरुले मलाई घरबाटै कपाल समातेर गाली बेईज्जती गर्दै करिब ५०० मिटर टाढा रहेको आफनो घरमा घिसार्दै लगेको पिडित ले दुखेसो पोखिन।

घरमा लगेर आफनो विरामी श्रीमती निको पार दे नत्र भने मलमुत्र खुवाईदिन्छु भन्दै गाली बेईज्जती दिनुको साथै मलमुत्र खुवाईदिने धम्की दिएको थिए ।

फेरी भोलिपल्ट विहान करिब ७ बजे पिडित महिलाको घरमै आएर विरामी मलमुत्र खुवाईदिने धम्की दिदै घरमा नै आएर बेईज्जती गर्र्दै परिवारमाथि आक्रमण गरेको पिडित महिलाको छोरा महबुब अंसारीले बताए ।

आमामाथि बोक्सीको आरोप लगाउदा मैले गाउँका भदभलादमी बसाएर घटनाको छिनोफानो गर्न भनेको पिडित महिलाको छोरा ले बताए । फेरी आमालाई मलमुत्र खुवाईदिने धाकधम्की सहित अश्लिल गाली बेईज्जती समेत गर्दा आफनो ईज्जतको ख्याल गरी सहन गरे ।

फेरी सोमवारका दिन सामूहिक रुपमा आएर आमालाई मलमुत्र खुवाईदिन्छु भनी गाली, बेईज्जती गर्न खोज्दा आफूले रोक्ने प्रयास गर्दा बुहारी सहित हामीलाई बलप्रयोग गरी कुटपिट गरेको दुखेसो पोखे ।

हाम्रो परिवारलाई गाली बेईज्जती गर्दा दुवै भाई नजिकको प्रहरी कार्यलयमा उजुरी दिन जादा बाटोमै घेरा हालेर सामूहिक रुपमा आक्रमण गरी कुटपिट गर्न थाल्यो ।

कुटपिट गरिरहेको बारे परिवारका सदस्यलाई जानकारी भएपछि आमा, बुहारी समेत घटना स्थलमा विवाद मिलाउन पुगेका थिए । तर पिडकले आफनो घरको महिला सहित बालबालिका समेत लगाएर १५/२० जनाको समूहले आक्रमण गरी आमा, बुहरीमाथि दोस्रो पटक कुटपिट गरेका थिए ।