नागरिकताको लागि आन्दोलन, प्रजिअलाई ज्ञापन

न्यूज ब्यूरो ||
जनकपुरधाम, १२ चैत्त ।

आफ्नो परिचय माग्दै राज्यबिहिन संघर्ष समिती धनुषाले आज जनकपुर स्थित जिल्ला प्रशासन कार्यालयमा ज्ञापनपत्र बुझाएका छन् ।

अध्यक्ष किसन साहको नेतृत्वमा नागरिकताको माग गर्दै ज्ञापनपत्र प्रमुख जिल्ला अधिकारी दिलिप प्रसाद चापागाईलाई बुझाएका हुन् ।

सो ज्ञापनपत्र वाचन गर्दै राज्यबिहिन संघर्ष समितिका केन्द्रिय अध्यक्ष अर्जुन साहले प्रजिअ चापागाईलाई बुझाए । सो ज्ञापनपत्र बुझ्दै प्रजिअ चापागाईले नागरिकता दिने सवालमा हामी सकारात्मक रहेका छौ । छिट्टैनै कानुन निर्माण तथा ड्राफ्टको कार्य सरकार गरिरहेको जानकारी आफुलाई आएको र चाडै नै नागरिकताको समस्या समाधान हुने बताए ।

तराई मानव अधिकार रक्षक संजालका मानवअधिकारअधिकृत किरण कुमार कर्णले प्रजिअ चापागाईलाई जन्मसिद्ध नागरिकता प्राप्त गरेकाहरुको छोरा छोरिको हकमा राज्यले नागरिकताबाट बन्चित गरि मौलिक अधिकारबाट बन्चित गर्नु भएकाले तत्काल समस्या समाधान तर्फ गम्भीर हुन ध्यानाकर्षण गराए ।

यता नागरिकता नहुदा निक्कै पीडा खेपिरहेको भन्दै अध्यक्ष किसन साहले निजि वा सरकारी जागिरको लागि र पढाईको लागि समेत समस्या भईरहेको बताए । उनले आफ्नो नाममा मोबाईल सिम समेत किन्नबाट बन्चित रहेकोले सङ्गठित रुपमै ज्ञापनपत्र बुझाएको स्पस्ट पारे ।

उनले भने -" मेरो बुवासङ्ग जन्मसिद्ध नागरिकता र आमासङ्ग बंशज नागरिकता छ, तर मसङ्ग नागरिकता नरहेकै कारण अनागरिक महसुस हुदा खिन्न भएको छु । उनले प्रतिप्रश्न गर्दै भने - "के म नागरिक होईन र म जस्ता कैयन व्यक्ती छन्, उनिहरु कहाँ जान्छन्, आफ्नो अधिकार र देश खोज्न ?