"असार महिनाभित्र जसरी पनि हुलाकी सडक बन्नुपर्छ" : अरगरिया

न्यूज ब्यूरो ||
जनकपुरधाम, ११ चैत्त । धनुषा सँसदीय निर्वाचन क्षेत्र नं. २ का प्रतिनीधि सभा सदस्य उमा शँकर अरगरियाले असार महिनाभित्र हुलाकी राजमार्ग जसरी पनि जिर्णोदार गर्न पहल गरेका छन् ।

हुलाकी राजमार्ग आयोजनाका डिई सँतोषक कर्णसँग शनिबार भेटघाट गर्दै नेता अरगरियाले हुलाकी राजमार्गमा रहेको धुलो, खाल्डो व्यवस्थापनको लागि तत्कालै पहल गर्न आग्रह गरेका छन् ।

सर्वसधारणको स्वास्थ्यसँग गम्भिर खेलवाड गरिरहेको भन्दै अरगरियाले जनगुनासो सुन्दै शनिबारकै दिन डिई कर्णलाई भेटेर अबको ३ महिनाभित्र हुलाकी सडक जसरी पनि बन्नुपर्ने बताएका छन् ।

आईतबार न्यूज ब्यूरोसँग कुरा गर्दै अरगरियाले भने , हुलाकी राजमार्ग खतराको रुपमा भएको छ,, जनकपुरदेखि कमला नदिसम्मको २६ किलोमिटरको राजमार्गमा अत्यधिक धुलो, खाल्डोले जनता परेशान छ । यत्रो २६ किलोमिटरको दुरीमा एक मात्र पानी टयाँकर राखिएको छ, यो के हो ? यसले धुलो जान्छ र ? आम जनताले गुनासो गरेपछि शनिवार विदाकै दिन हामी हुलाकी राजमार्ग आयोजनाको कार्यालयमा पुगी ३ महिनाभित्र हुलाकी राजमार्गको काम सम्पन्न हुनुपर्छ भनेर भनेपछि आश्वासन पनि साकारात्मक पाएका छौँ ।

धुलो धुवा र खाल्डोका कारण सवारी दुर्घटनामा सर्वसाधारणले सास्ती भोग्दै आएको भन्दै अब कुनै प्रकारको सम्झौता नहुने नेता अरगरियाले न्यूज ब्यूरोसँग भने ।

राजमार्गका ठेकेदारलाई बारम्बार चिठ्ठी काटेपनि कुनै पनि प्रकारको जवाफ नआएकोले हुलाकी राजमार्गको काम तीब्रता पाउन नसकेको डिई कर्णलाई उदृत गर्दै अरगरियाले भने ।

ज्ञातत्व छ, जनकपुरदेखि कमला नदिसम्मको २६ किलोमिटरको हुलाकी राजमार्ग निर्माणको ठेक्का लिएका ठेक्केदार किशोरी साह अहिले धनुषा निर्वाचन क्षेत्र नं. १ क बाट प्रदेश सभा सदस्यमा निर्वाचिन भएपछि हुलाकी राजमार्गको कामले गति पाउन सकेको छैन ।

ठेक्केदारबाट प्रदेशसभा सदस्य बनेपछि साहले एकपटक पनि हुलाकी राजमार्ग निर्माणमा चासो नदेखाएपछि धुलो, खाल्डो बनेर निरन्तर सवारी साधन दुर्घटना तथा सर्वसाधारणको स्वास्थ्यसँग खेलवाड भइरहेको छ ।

यता, अरगरियाले ३ महिनाभित्रै कम्तिमा यातायात निर्वाध रुपमा चल्ने पनि बनाइदिन पहल गरेका छन् भने तोकिएको समयमा राजमार्ग नबने त्यसपछिको जिम्मेवार ठेकेदार र सम्बन्धित सरोकारबाला हुने चेतावनी समेत दिए ।