डेढ बर्षपछि धनुषाको भडरिया नाका खोलियो, सवारी साधन चल्न सुरु

न्यूज ब्यूरो, जनकपुरधाम । नेपाल भारत सीमाको धनुषाको दक्षिणी भागमा रहेको भडरिया नाका शुक्रबारदेखि खुल्ला गरिएको छ ।

कोरोना महामारीको कारण विगत डेड बर्षदेखि सवारी साधान आवागमनमा रोक लगाएकोमा शुक्रबारदेखि प्रशासनले सो नाकालाई खुल्ला गरेको हो ।

नेपाल भारत सीमाक्षेत्रमा रहेको भडरिया नाकाबाट शुक्रबारदेखि नै सवारी साधनहरुको पनि आवागमन सुरु भएको छ । कोरोनाको कारण पैदल हिडेर भारत जान पाएका थिए भने शुक्रबारदेखि सवारी सधान समेत चल्न पाएको छ ।

सो नाकाबाट दैनिक हजारौँ नेपालीहरु घरेलु सर समानहरु ल्याउनको लागि भारत जाने गरेका छन् । यहाँभन्दा ३ गुणासम्म सस्तोमा समान पाइने तथा खुल्ला सीमाको कारण दुर दराजबाट सर्वसाधाराहरु भारत जाने गरेका छन् ।

आज बिहानदेखि फेरि सीमानाका सञ्चालनमा आएको छ। आजबाट मोटरसाईकल ,कार, ट्याम्पु आदि यातायातका साधनहरु समेत निर्वाध रुपमा सँचालनमा आएको छ ।