जनकपुरमा बुलडोजर चल्यो, दर्जनौ घर भत्काईयो

न्यूज ब्यूरो ||
जनकपुरधाम, १० चैत्त । प्रदेश नं. २ को अस्थायी राजधानी जनकपुरमा आज बुलडोजर चलाइएको छ ।

एशियाली विकास बैंकको ऋण सहयोगमा संचालित एकिकृत शहरी विकास परियोजना एडीबी कार्य सँचालनको लागि जनकपुरको भानुचोकदेखि शिवचोकसम्म बुलडोजरले घरहरु भत्काईएको छ ।

जनकपुर उप महानगरपालिकाले अतिक्रमित सडकमा निर्मााण् गरिएको घर टहराहरु हटाउन बारम्बार सुचना जारी गरेपनि नहटाउँदा बुलडोजर चलाएर भत्काईएको नगर उपप्रमुख रिता झाले बताइन् ।

जनकपुरमा यसरी भत्काईयो घर

घर टहरा तोकिएको समयभित्र हटाउन सुचना दिदा पनि अटेरि गरिरहेको कारण शनिवार देखि सडक विस्तार मापदण्ड भित्र पर्ने सम्पूर्ण घरहरुलाइ भत्काउने कार्य शुरु गरिएको हो ।

उपप्रमुख झाको नेतृत्वमा भत्काउन लागिएको घर टहराहरु तोडफोडमा हुन सक्ने विवादलाई ध्यानमा ४ वटा बुलडोजर लिएर सुरक्षाको कडा व्यवस्थाबीच भत्काइएको जनाइएको छ ।