हात हतियार मुद्दाका फरार शर्मा पक्राउ

न्यूज ब्यूरो, सिरहा । सिरहा प्रहरीले हातहतियार तथा खरखजाना मुद्दाका फरार प्रतिवादीलाई पक्राउ गर्न सफल भएको छ ।

ईलाका प्रहरी कार्यालय लहानको प्रहरी टोलीले जिल्ला अदालत सिरहाबाट ४ बर्ष ६ महिना कैद सजायको फैसला भई फरार रहेका लहान नगरपालिका वडा नम्बर १५ बस्ने रामचलित्र ठाकुरको छोरा बर्ष २५ को विजय कुमार शर्मा ठाकुर पक्राउ परेका छन् ।

गत कार्तिक २९ गते जिल्ला अदालत सिरहाले शर्मालाई ४ बर्ष ६ महिना कैद तथा ४५००० रुपैयाँ जरिवाना समेत तोकेको थियो । त्यसवखत देखि नै उनी फरार रहेका थिए । उनलाई बुधबार साँझ ६ बजे पक्राउ गरेको हो ।

प्रहरी चौकी लहानबाट प्रहरी सहायक नीरिक्षक भोगेन्द्र खत्रीको टोलीले गोप्य सुचनाको आधारमा लहान बजारबाटै पक्राउ गरेको ईलाका प्रहरी कार्यालय लहानका डिएसपी डा. तपन दाहालले जानकारी दिए ।

शर्मालाई पक्राउ गरी आवश्यक कार्वाहिको लागि ईलाका प्रहरी लहानमा राखेर थप अनुसन्धान जारी राखेको बताइएको छ ।