ड्रग्स सहित सिरहाबाट एक भारतीय नागरिक पक्राउ

न्यूज ब्यूरो, लहान । सिरहाबाट मँगलबार साँझ ड्रग्ससहित एक युवक पक्राउ परेका छन् । उनलाई लहान प्रहरीले पक्राउ गरेको हो ।

ईलाका प्रहरी कार्यालय लहानको मातहत पर्ने प्रहरी चौकी ठाडी खटेको प्रहरी टोलीले एक भारतीय नागरिकलाई लागुऔषध सहित पक्राउ गरेको हो ।

मँगलबार साँझ करिब ७ः२० बजेको समयमा प्रहरी नायब नीरिक्षक (सई) अजित कुमार पाण्डेको नेतृत्वमा खटि गएको गस्ती टोलीले दक्षिण भारतवाट नेपाल तर्फ आउदै गरेको नम्बरको अपाच्चे मोटरसाईकललाई चेकजाँच गर्दा ड्रग्स फेला परेको हो ।

पक्राउ पर्नेमा भारत जिल्ला मधुवनि पंचायत लौकाह वडा नम्बर ९ बस्ने रंजित प्रसाद गुप्ताको छोरा अन्दाजी वर्ष १८ को अविनास कुमार गुप्ता बताएको हो ।

मोटरसाईकलको वाँया पट्टीको खुट्टा राख्ने ठाउँमा कालो प्लास्टिकको झोला लाई डोरीले बाधि राखेको अवस्थामा फेलापारी उक्त झोला खोलि हेर्दा झोला भित्र लुकाई छिपाई राखेको ड्रग्स फेला परेको हो ।

उनीसँगअवैध लागु औषध PHENERGAN- ४० एम्पुल, DIAZELAB- ५० एम्पुल, नाम लेबल नखुलेको- ५० एम्पुल र DIALEX- DC १ बोतल फेला परेको ईलाका प्रहरी कार्यालय लहानका डिएसपी डा. तपन दाहालले जानकारी दिए । उनलाई आवश्यक अनुसन्धानको लागि प्रहरी नियन्त्रणमा राखिएको छ ।