असहाय परिवारलाई 'उपकार ब्राण्ड' को राहत

न्यूज ब्यूरो, जनकपुरधाम । खाद्यान्न बजारमा बेग्लै नाम कमाएको उपकार ब्राण्डले एक असहाय परिवारलाई राहत सहयोग गरेको छ ।

नटराज एग्रो प्रा.लि.को उत्पाकत्व ब्राण्ड उपकार ब्राण्डले प्राण घाइत क्यान्सर रोगका कारण अल्पआयु मृत्यु भएका एक असहाय परिवारलाई राहत सहयोग गरेको हो ।

धनुषाको औरही गाउँपालिका वडा नम्बर ६ चक्कर बस्ने सुबोध सहनी (मृत्यू) की श्रीमतिलाई बुधबार उपकार ब्राण्डले खाद्यान्न र लत्ताकपडा राहत सहयोग गरेको हो ।

प्रदेश २ का प्रदेश सांसद एवम् स्वच्छता अभियानी रामअशिष यादवको पहलमा नटराज ग्रुप उधोगका एरिया प्रतिनिधि संतोष कुमार यादवको समन्वयमा सो राहत समाग्री प्रदान गरिएको हो ।

सहनी परिवारलाई बुधबार प्रदेश साँसद यादवकोे विशेष पहलमा चामल,दाल ,कम्मल र लुगाकपडा प्रदान गरियो । नटराज एग्रोका क्षेत्रीय प्रतिनीधि सँतोष यादवसँगको समन्वयमा तीन बोरा (ब्याग) उपकार ब्राण्डको चामल, बिस्कुट, तेल सहित अन्य खाद्यान्न समाग्री सहित न्यानो कपडा समेत सहयोग गरेको हो ।

वल्ड क्यान्सर रोगका कारण २९ बर्षकै आयूमा जसपाका कार्यकर्ता सुबोध सहनीको एक हप्ता अघि मृत्यु भएको थियो। आर्थिक अवस्था निकै कमजोर रहेको सहनीको एक श्रीमती र ४ वर्षका एक छोरा रहेको छ। जानकारी पाएलगत्तै क्षेत्रीय प्रतिनीधि सँतोष यादवसँग समन्वय गरी प्रदेश साँसद राम अशिष यादवले सो राहतको लागि पहल गरेका थिए ।