४५० ट्याबलेट सहित एक युवक पक्राउ

न्यूज ब्यूरो, सिरहा । भारतबाट ल्याउँदै गरेको अवस्थामा लागु औषध सहित एक युवकलाई प्रहरीले पक्राउ गरेको छ ।

शनिबार अपरान्ह ५ बजेको समयमा सिरहा जिल्लाको भगवानपुर गाउँपालिका वडा नम्बर ४ नयाँ पोष्ट सीमा ईलाका प्रहरी कार्यालय प्रहरी चौकी ठाडीबाट करिब डेढ किलोमिटर दक्षिणबाट लागु औषधसहित एक युवकलाई पक्राउ गरेको हो ।

प्रहरी चौकी ठाडीबाट प्रहरी सहायक नीरिक्षकको कमाण्डमा र बिओपी शसस्त्र प्रहरी पोष्ट ठाडि सिरहाबाट स.प्र.स.नि. को कमाण्डमा खटिएको संयुक्त चेकजाचँ प्रहरी टोलिले भारतबाट नेपाल तर्फ पैदल आउदै गरेको अवस्थामा पक्राउ गरेको हो ।

पक्राउ पर्नेमा खोटाङ दिप्रुङ गाउँपालिका वडा नम्बर ४ बस्ने हरिहर राईको छोरा अन्दाजी बर्ष २० को अर्पण राई रहेका छन् । उनलाई शंकालागी चेकजाच गर्ने क्रममा साथमा लुकाई छिपाई राखेको अबैध लागु औषध नाईट्राभेट १५ पत्तामा ४५० ट्याबलेट फेला पारेको ईलाका प्रहरी कार्यालय लहानका डिएसपी डा. तपन दाहालले जानकारी दिए ।

दाहालका अनुसार, युवकलाई नियन्त्रणमा लिएर अनुसन्धान थालिएको हो ।