सर्लाहीमा अन्तराष्ट्रिय मानव अधिकार दिवसमा विभिन्न कार्यक्रम

राधेश्याम कुशवाहा, सर्लाही । ७३ औं अन्तर्राष्ट्रिय मानव अधिकार सर्लाहीको मंलगवमामा पनि विभिन्न कार्यक्रमहरु गरी मनाइएको छ ।

मानवअधिकार रक्षक संजालको आयोजनामा “जीवन मर्यादा, समानता र स्वतन्त्रताको अधिकार, दिगो शान्ति र समुद्धिको आधार“ भन्ने मूल नाराका साथ शुक्रवार नगर परिक्रममा गरि मनाईएको छ ।

यस दिवसको अवसरमा मानवअधिकारको क्षेत्रमा काम गर्ने विभिन्न संघसंस्थाका प्रतिनिधि, पत्रकार, महिलाअधिकारकर्मी, मानवअधिकारकर्मीहरुले दाइजो प्रथा अन्त गरौं, महिला अधिकारको सम्मान गरौं, बालअधिकारको संरक्षण गरौं लगायत विभिन्न नाराहरु लेखिएको प्लेकार्ड छातीमा टाँसेर नगर परिक्रममा गरेको छ ।

जिससको कार्यालयबाट सुरु गरी भएको रैली सहिद चौक, बसपार्क, बालमन्दिर चौक, नगरपालिका चौक हुँदै पुनः कार्यक्रम स्थल जिससको कार्यालयमा आएर सम्पन्न भएको थियो ।

रयाली पछि जिससको सभाहलमा नेपाल राष्ट्रिय दलित समाज कल्याण संघ सर्लाहीका अध्यक्ष राजेश पासवानको अध्यक्षता तथा राष्ट्रिय सभा सदस्य राधेश्याम पासवानको प्रमुख आतिथ्यतामा “जिल्लामा मानवअधिकारको अवस्था र सरोकारवालाहरुको भुमिका“को विषयमा अन्तरक्रिया गरिएको छ ।

उक्त अन्तरक्रियामा मानवअधिकारको क्षेत्रमा काम गर्ने मानवअधिकारकर्मी र सरोकारवालाहरु बीच जिल्लामा भएका र प्रायः हुने गरेका मानवअधिकार हननका घटना र त्यसलाई कसरी कम गर्न सकिन्छ भन्ने विषयमा छलफल गरिएको छ ।

सोही अवसरमा मानव अधिकारको संरक्षण, सम्बद्र्वन र रक्षाका निमित्त कलम चलाउने सर्लाहीका ४ संचारकर्मी सहित मानव अधिकार क्षेत्रमा क्षेत्रमा क्रियाशिल २१ अधिकारकर्मीलाई समेत सम्मानित गरिएको छ ।

सम्मानित हुनेमा पत्रकार मनोज यादव, संतोष कर्ण, बन्दना झा र राधेश्याम कुशवाहा रहेका छन । सम्मानित हुने अधिकारकर्मीहरुमा राजेश पासवान, देवकुमारी महरा, बुधन साह, सुन्दश्याम यादव, दुर्गा थापा, रिनु चौधरी, बिनिता कार्की, रजनिकान्त झा, रम्भा झा, ममता साह, कुशमा राउत, अनिल राम, अब्दुल अहमद, रमा पौडेल रामचन्द्र चौधरी र शिवजी साह रहेको आयोजकले जनाएको छ ।

बाल कल्याण समाजका रामनगर गाउँ पालिकाका अध्यक्ष सुन्दर श्याम रायले मन्तव्यको स्वागत र प्रमुख अतिथि पासवानद्वारा दिपप्रज्वल गरेर औपचारिक सुआरम्भ भएको कार्यक्रममा सर्लाहीका चर्चित मैथिली गायक संतोष कर्णले मिठो स्वागतम गीत गाएर अतिथिहरुलाई स्वागत गरेका थिए ।

कार्यक्रममा विशिष्ट अतिथिमा मलंगवा नपाका प्रमुख निरसल साह, जिल्ला प्रहरी कार्यलय सर्लाहीका प्रहरी प्रमुख कृष्ण प्रसाई, राष्ट्रिय रोजगार प्रवद्र्वन केन्द्र सर्लाही का अध्यक्ष गायत्री देवी, संयूक्त राष्ट्र संघिय जनसंख्या कोष सर्लाहीका प्रतिनिधि बच्चालाल महतो, नागरिक अगुवा रजनीकांत झा, इन्सेक प्रतिनिधि बुधन साह, ओरेक नेपालको जिल्ला संयोजक देव कुमारी महारा, दलित अधिकारकर्मी अंजु बैठा, महिला अधिकारकर्मी रम्भा झा, बिनिता कार्की, रिमु चौधरी, ममता साह, नागरिक समाज, समाजसेवी, संचारकर्मी लगायत आम नागरिकहरुको उल्लेखनिय सहभागिता रहेको आयोजकले जनाएको छ ।

७३ औं अन्तराष्ट्रिय मानवअधिकार दिवस सफल बनाउनका लागि सर्लाहीमा क्रियाकिशल गैरसरकारी संस्था ओरेक नेपाल, इन्सेक, राष्ट्रिय रोजगार प्रवद्र्वन केन्द, सेभ द चिल्ड्रेन, प्रेरणा, नेपाल राष्ट्रिय दलित कल्याण समाज संघ, बाल कल्याण समाज, फ्रिडम फर अल नेपाल र ,मलंगवा नगरपालिकाले आर्थिक सहयोग गरेको दलित अधिकारर्की राजेश पासवानले जानकारी दिनुभयो ।