३० लाखमा शिव मन्दिर निर्माण हुँदै, मन्त्री साहले गरे शिलान्यास

न्यूज ब्यूरो, जनकपुरधाम । ३० लाख रुपैयाँ लागतमा शिव मन्दिर निर्माणको लागि एक कार्यक्रमबीच शिलान्यास गरिएको छ ।

महोत्तरी जिल्लाको बलबा नगरपालिका वडा नम्बर १० लेउरीस्थित बुधबार प्रदेश २ सरकारका अर्थमन्त्री शैलेन्द्र साहले शिलान्यास गरेका हुन् । बलवा नगरपालिकाको बजेट विनियोजन गरिएको ५ लाख रुपैयाँ कार्य सँचालन हुँदै ३० लाख रुपैयाँ अनुमानित लागत रहेको छ ।

शिव मन्दिर निर्माणको लागि बलबा नगरपालिका वडा नम्बर १० का पूर्व वडाध्यक्ष महेन्द्र प्रसाद यादवले आफ्नो जग्गा दान गरेका हुन् । उनले आफ्नो १ कठ्ठा जग्गा शिव मन्दिर निर्माणको लागि दिएपछि नगरपालिकाले बजेट उपलब्ध गराएको हो ।

नगरपालिकाको बजेट सहित प्रदेश सरकारले समेत अपुग रकम आगामी आर्थिक बर्षको बजेटमा उपलब्ध गराउने प्रतिवद्धता सहित मन्त्री साहले शिव मन्दिर शिलान्यास गरेको जसपाका प्रदेश सदस्य मुकेश यादवले जानकारी दिए ।