धनुषा प्रहरीद्धारा ११ वटा मोटरसाईकल पक्राउ

न्यूज ब्यूरो, जनकपुरधाम । जिल्ला प्रहरी कार्यालय धनुषाले नेपाली नम्बर र भारतीय नम्बर प्लेटको ११ वटा मोटरसाईकल पक्राउ गरेको छ ।

बुधबार दिउँसो करिब २ बजेको समयमा धनुषाको मुखियापट्टी मुसरनीया गाउँपालिकाको वडा नम्बर ६ बहेडाबेलास्थितबाट १२२५ किलो हरियो मटर सहित ११ वटा मोटरसाईकल समेत नियन्त्रणमा लिएको हो ।

भारततर्फ ११ वटा मोटरसाईकलमा ४९ बोरा मटर भारत लैजाँदै गर्दा पक्राउ गरिएको हो । नेपालबाट भारत तर्फ अबैद्य रुपमा लैजाँदै गर्दा सो मटर सहित मोटरसाईकल पक्राउ गरेको हो ।

२५ किलोको ४९ वटा बोरा लैजाँदै गरेको अवस्थामा प्रहरीको गस्ती टोलीलाई देखेर चालकहरु फरार भएपछि प्रहरीले नियन्त्रणमा लिएर कारवाहीको लागि जिल्ला प्रहरी कार्यालय धनुषामा ल्याएको जनाइएको छ ।