हँसपुर नगरपालिकाका अधिकृत अधिकारीले राजनीति गर्न खोज्योः मेयर मंडल

न्यूज ब्यूरो, जनकपुरधाम । धनुषाको हंसपुर नगरपालिकको मेयर रामज्ञान मण्डलले प्रमुख प्रशासकीय अधिकृतले आफूमाथि गलत आरोप लगाएको बताएका छन् ।

प्रमुख प्रशासकीय अधिकृत केशव अधिकारीले आफूमाथि राजनीतिक दलको उस्काहटमा आएर गलत आरोप लगाएको बताएका हुन् ।

“राजनीतिक दलको इसारामा आफूमाथि गलत आरोप लगाएको छ,” उनले भने, –“कर्मचारी भएर मसँग राजनीति गर्न खोज्दै छ । यसले पालिकाको काम पनि प्रभावित भएको छ । ” आइतबार उनलाई आफूले दुर्व्यवहार नगरेको उनको स्पष्टोक्ती छ । बक्यौता बाँकी रहेको ठेकेदारहरु सँग उनको भनाभन भएको र आफूले नै विवाद सल्ट्याएको उनले दाबी गरे ।

प्रमुख प्रशासकीय अधिकृत अधिकारीले पालिकामा मनपरी गरेको उनले बताए । “कर्मचारी राख्नेरनराख्ने राख्ने विषयमा अधिकारीले मनपरी गरेको छ,” उनले भने,“बिना सल्लाह उनले आफ्नो कार्य क्षेत्र भन्दा बाहिर गएर काम गरिरहेको छ ।”

प्रमुख प्रशासकीय अधिकृत अधिकारीले आफू खुशी कर्मचारी बर्खास्त गरेको उनको भनाइ छ । गत शुक्रबार बिना सल्लाह पालिकाको प्रशासन शाखा, योजना शाखा र जिन्सी शाखामा कर्मचारी हेरफेर गरेको उनले जानकारी दिए ।

अधिकृत अधिकारीले एकतर्फ भन्नुहुन्छ मलाई यहाँ सुरक्षा थ्रेड छ अर्को तर्फ उनी हँसपुर नगरपालिकाकै वडा नं ७ स्थित नौवाखोर स्वास्थ चौकीमा डेरा दिएर बस्न जान्छ यो कस्तो दोहोर चरीत्र हो ? जसलाई सुरक्षा थ्रेड हुन्छ त्यो मान्छे गाउँ भन्दा बाहिर रहेको सुनसान भएको घरमा बस्न जान्छ ? यसबाट अधिकृत मनोदशा बुझ्न सकिन्छ उनले बताए ।

नगर प्रहरी पनि आफ्नै मनले हटाउन खोजेको उनको आरोप छ । मुकेश राउत, सुभाष कापर, रामगोबिन्द महतो र सुजित साहलाई आफू खुसी बर्खास्त गर्न खोजेको छ ।

यद्यपि पालिकामा चार वर्षदेखि कार्यरत नगर प्रहरीहरुले पत्र बुझ्न मानेका छैनन्नगर प्रहरी मुकेश राउतले बताए ।