जनकपुरः राती १० बजे आफन्त घुमाउँदै सरकारी मोटरसाईकल

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामस्थित राती १० बजेसम्म सरकारी गाडी चलाएर दुरुपयोग गरेको पाईएको छ ।

गत कार्तिक २४ गते छठ पूजाको दिन जनकपुरमा सरकारी नम्बर प्लेटको गाडीमा सरकारी कर्मचारी वा जनप्रतिनीधिभन्दा पनि उनको आफन्तहरु घुमेको पाइएको छ ।

यसै क्रममा जानकी मन्दिरदेखि गँगासागर जाने बाटोमा एक सरकारी गाडीमा आफन्तलाई घुमाउँदै गरेको तस्विर खिचिएको छ । एक युवति गाडी नम्बर प्रदेश २–०२–००१ ब ५४८ नम्बरको गाडीमा चढेको देखिएको छ ।

राती करिब १० बजेको समयमा सो दृश्य देखिएको छ । सरकारी गाडी व्यक्तिगत प्रयोजनको लागि जिल्ला प्रशासन कार्यालय धनुषाबाट अनुमति लिनुपर्ने प्रावधान रहेपनि बिना अनुमतिकै सरकारी गाडीमा आफन्तलाई ओहोर दोहोर सहित घुमघाम गरेको देखिएको छ ।

सो नम्बरको गाडी कुन कार्यालयको रहेको खुलेको छैनन् । आफन्तलाई नै घुमाउँदा सिरहाको विष्णुपुर गाउँपालिकाको सरकारी गाडी प्रहरीले नियन्त्रणमा लिएको थियो ।

अहिले सरकारी गाडीको दुरुपयोग बढदै गएको देखिएको छ । सम्बन्धित कर्मचारी वा जनप्रतिनीधि भन्दा पनि आसेपासे वा आफन्तलाई प्रयोगमा दिएको देखिएको छ ।