जन्मदिनमा नेता साहको जेष्ठ नागरिकलाई सम्मान

न्यूज ब्यूरो, जनकपुरधाम । लोकतान्त्रिक समाजवादी पार्टीका नेता एवम् केन्द्रीय सहकारी विभागका प्रमुख सँजय कुमार साहले आफ्नो जन्मदिनमा जेष्ठ नागरिकलाई सम्मान गरेका छन् ।

धनुषाको विदेह नगरपालिका वडा नम्बर ४ स्थायी घर भएका नेता साहले आफ्नो वडासहित विदेह नगरपालिका वडा नम्बर १ का करिब ३ दर्जन जेष्ठ नागरिकलाई सम्मान गरेका छन् ।

वि.सं. २०३१ सालमा जन्मेका नेता साहले ४६ औँ बसन्त पार गरी ४७ बर्षमा प्रवेश गरेको अवसरमा आफ्ना वडाका जेष्ठ नागरिकहरुलाई दोसल्ला ओढाएर सम्मान गरेका छन् । सो क्रममा जेष्ठ नागरिकहरुले उनलाई आर्शिवाद थापेका थिए ।

वर्तमान समाजमा जेष्ठ नागरिकहरुलाई अवहेलना समेत भोग्नु परिरहेको अवस्थामा नेता साहले गाउँस्तरमै गएर उनीहरुलाई दोसल्ला ओढाउँदै सम्मान गरेका हुन् । जन्मदिनमा आर्शिवाद थाप्न नेता साहले उनीहरुलाई गत वर्ष पनि सम्मान गरेका थिए ।

गत वर्ष विदेह नगपालिका वडा नम्बर ४ का जेष्ठ नागरिकहरुलाई सम्मान गरेका नेता साहले यसपाली वडा नं. १ का जेष्ठ नागरिकहरुलाई सम्मान गरेका हुन् । जेष्ठ नागरिकको आशिर्वाद थाप्नाले आयू बढने तथा मातापिताको आर्शिवाद सदैव बनिरहने विश्वास नेता साहले जनाए ।

नेता साहले आफ्ना बुवालाई समेत सम्मान गर्दै अधिक उमेर भएका नागरिकहरुलाई एक ठाउँमा भेला पारी सम्मान गरेका थिए ।