पत्रकार र समाजिक अगुवा मिश्रद्धयलाई पितृशोक

न्यूज ब्यूरो, जनकपुरधाम । जनकपुरका सँचारकर्मी घनश्याम मिश्र एवम् नागरिक अगुवा मुरली मनोहरमिश्रलाई पितृशोक परेको छ ।

जनकपुरका सँचारकर्मी घनश्याम मिश्र एवम् समाजिक अगुवा मुरली मनोहर मिश्रको बुवा राजदेव मिश्रको सोमबार विहान मृत्यू भएको छ । उनी जनकपुरका पूर्व मेयर थिए ।

सोमबार बिहान साढे ३ बजे मिश्रको ८५ वर्षको उमेरमा आफ्नै निवास जनकपुरधाम उपमहानगरपालिका ४ आनन्दनगरमा निधन भएको सँचारकर्मी एवम् उनका उनका छोरा घनश्याम मिश्रले जानकारी दिए ।

तीन महिना अघि उनलाई हृदयघात भएको थियो । सोमबार दिउँसै उनको अन्त्येष्टि गरिने जनाइएको छ ।

राजा ज्ञानेन्द्रको पालमा तत्कालीन जनकपुर नगरपालिकाको मेयरमा निर्वाचित भएका मिश्र पञ्चायतकालमामा प्रधानपञ्च समेत बनेका तिए । उनले झण्डै ६ महिना मेयरको कार्यभार सम्हालेका थिए ।

मिश्रका ४ छोरा र तीन छोरी छन् । चार छोरामध्ये मुरली मनोहर मिश्र नागरिक अगुवा छन् भने धनश्याम मिश्र पत्रकार हुन् ।