आगामी चुनावमा अधिक सिट ल्याएर जित्छौँ : नेता यादव

न्यूज ब्यूरो, सिरहा । जनता समाजवादी पार्टी (जसपा) नेपालका केन्द्रीयय सदस्य अशेश्वर यादवले आगामी चुनावमा अधिक सिट ल्याएर जित्ने जिकीर गरेका छन् ।

सिरहाको अर्नमा गाउँपालिका वडा नं. १ स्थित शनिबार आयोजित पार्टी प्रवेश कार्यक्रममा बोल्दै नेता यादवले मधेशमा जसपाको पक्कड बलियो भएकोले आगामी चुनावमा अधिक सिट जित्ने बताए ।

अर्नमा गाउँपालिका वडा नं. १ मन्होरस्थित राखिएको पार्टी प्रवेश कार्यक्रममा करिब डेढ सय व्यक्तिहरुले जसपामा प्रवेश गरेका छन् । विभिन्न पार्टी परित्याग गरी सो सँख्यामा जसपामा प्रवेश गरेका हुन् ।

सो क्रममा बोल्दै जसपाका जिल्ला अध्यक्ष अशोक यादवले आफू सदैव अर्नमा गाउँपालिकावासीको लागि सेवामा तत्पर रहने बताए । गाउँपालिकाको शिक्षा, स्वास्थ्य सहित युवाहरुको विकासको लागि आफू सक्रिय प्रयासमा लागेको बताए ।