महोत्तरीमा बालक हत्या गर्ने तीन जनालाई ३१ बर्ष कैद

न्यूज ब्यूरो ||
जलेश्वर, ५ चैत्त । नाबालकलाई अपरणपछि हत्या गरेको आरोपमा ३ जनालाई महोत्तरी जिल्ला अदालतले ३१ वर्ष कैद सजाय सुनाएको छ ।

जिल्ला न्यायाधिश शुभाषबाबु पुरीको आइतबार बसेको एकल इजलासले भटौलिया–१ का शुखडा भन्ने साविर अंसारी, २ का सुधिरकुमार साह र ३ का गोला भन्ने अनिसकुमार साहलाई जन्मकैदसहित अपहरणका लागि थप ११ वर्ष कैद सजाय सुनाएको हो।

श्रेस्तेदार रामानन्दप्रसाद अधिकारीकाअनुसार हत्या अभियोगमा २० वर्ष जन्म कैद र अपहरण गरेको कसुरमा थप ११ गरी ३१ वर्ष कैद साजायको फैसला भएको हो। सोही इजलासले तीनैजनामाथि जनही ५० हजार रुपैयाँ जरिवानाको फैसलासमेत गरेको छ। तीनैजना प्रतिवादी पुर्पक्षकालागि जलेश्वर कारागारमा राखिएको श्रेस्तेदारले जनाए।

भटौलिया–२ का ८ वर्षिय जेनिस महासेठलाई तीनजना अभियुक्तले घरैबाट फकाइ अपहरण गरी ०७२ साल पुष २६ गते साँझ हत्या गरेका थिए।

अभियुक्तहरुकोको बयानको आधारमा महासेठको शव एकडारा गाउपालिकास्थित गहुँ खेतमा गाडेको अवस्थामा प्रहरीले बरामद गरेको थियो।