कमला बचाउ अभियानको तेस्रो वार्षिकोत्सवको तयारी तीब्र, १५ सदस्यी सल्लाकार समिति गठन

न्यूज ब्यूरो, जनकपुरधाम । कमला जलाधार सँरक्षण (कमला बचाउ अभियान) अभियानको तेस्रो वार्षिकोत्वसको लागि तयारी तीव्र पारिएको छ ।

कमला बचाउ अभियानका सँयोजक विक्रम यादवले आगामी मँसिर २ र ३ गते मनाउन लागिएको तेस्रो वार्षिकोत्सवलाई मध्यनजर गर्दै १५ सदस्यीय सल्लाकार समिति गठन गरिएको छ ।

अभियानका सँयोजक यादवको अध्यक्षतामा बसेको बैठकबाट १५ सदस्यीय सल्लाहकार तथा विज्ञ समिति चयन गरिएको हो । विभिन्न स्थानीय तहका जनप्रतिनीधि एवम् विभिन्न क्षेत्रका विज्ञहरुलाई समेटेर समिति बनाइएको हो ।

समितिमा सिरहा नगरपालिकाका मेयर अशेश्वर प्रसाद यादव, शहिदनगर नगरपालिकाका मेयर उदय कुमार बरबरिया (यादव), कमला नगरपालिकाका मेयर राम उदगार गोईत, गणेशमानचारनाथ नगरपालिकाका मेयर रामबाबु यादव लगायतका जनप्रनिधिहरुलाई मनोनित गरिएको हो ।

यसका साथै, डा. चिरञ्जीवी भट्टराई, डा. दुर्गेशमान सिंह, श्रवण कुमार शर्मा, राजन भारती, अभियन्ता नागदेव यादव, डा. दिगबिजय ठाकुर, डा. कृष्ण कुमार यादव, डा. रबि रंन्जन प्रधान, राज कुमार सिंह, चन्देश्वर सदा र बिपिन ठाकुर लगायत १५ सदस्यीय सल्लाहकार समिति गठन गरेको हो ।

आगामी मँसिर २ र ३ गते मनाइने कमला बचाउ अभियानको तेस्रो वार्षिकोत्सवमा विभिन्न देशका जल पुरुष, जल अभियानी, पर्यावरण अभियानी, विज्ञहरु, नेपाल भारतका नेतागण, साँसदहरुको सहभागीता रहनेछ ।

मँसिर २ गते वृहत अन्तरक्रिया कार्यक्रम गरिनेछ भने मँसिर ३ गते भव्य कमला आरती गरी समापन हुनेछ ।