हँसपुरमा नागरिक आरोग्य आयुर्वेद अस्पताल बन्दै

न्यूज ब्यूरो, जनकपुरधाम । धनुषाको हंसपुर नगरपालिकामा नगर प्रमुख रामज्ञान मण्डलले नागरिक आरोग्य सेवा केन्द्र भवनको शिलान्यास गरेका छन् ।

नगरपालिकाको वडा नम्बर ८ स्थित रामनगरामा नागरिक आरोग्य सेवा केन्द्र भवनको शिलान्यास गरिएको हो । नागरिक आरोग्य सेवा केन्द्रबाट यस क्षेत्रका जनतालाई सेवा दिने उद्देश्यले शुक्रबार आरोग्य सेवा केन्द्रको शिलान्यास गरेका हुन् ।

आफ्नै नगरभित्र आरोग्य आयुर्वेद अस्पताल बन्न लागेपछि नगरवासीहरुलाई स्वास्थ्य उपचारको लागि सहजता हुने भएपछि नागरिकहरुले मेयर मण्डलको प्रशँसनीय कार्य बताएका छन् ।

जिवछ मंडलको अध्यक्षतामा आयोजित शिलान्यास कार्यक्रममा नेपाली कांग्रेसका क्षेत्रिय सभापति बेचन मंडल भूपू क्षेत्रिय सभापति रामकृष्ण मंडल लगायत विभिन्न पार्टीका नेताहरुले मेयर मंडलले मेयर मण्डलले एतिहासिक कार्य गरेको भन्दै खुलेर प्रशंसा गरेका हुन ।

उनीहरुले ऐतिहासिक दिनमा ऐतिहासिक, दीर्घकालिन विकास निर्माणका कार्य मेयर मंडलले अगामी दिनमा पनि यस्तै कार्य गर्ने छ भने विश्वास व्यक्त गरेका छन् ।

उक्त कार्यक्रममा वडा नं ३ उदय सिंह, नगर संयोजक लालबाबु यादव, लोसपा का सवर्ण मंडल, आयुर्वेद तथा वैकल्पिक चिकित्सा विभाग को उपमहा निर्देशक डा. श्याम बाबू यदव,प्रदेश नम्बर २ को जनकपुर आयुर्वेद औसधाले का डा।सिमा झा , हंसपुर नपा।का प्रमुख प्रशासकीय अधिकृत केशव अधिकारी, आयुर्वेद शाखा हंसपुर प्रमुख राम छविला यादव, नेपाली काङ्ग्रेस का वर्तमान क्षेत्रीय सभापति बेच्न मण्डल, पुर्व क्षेत्रीय सभापति रामकृष्ण मण्डल, लगायतको उपस्थिति रहेको थियो । साथै कार्यक्रममा पाँच ओटा जडिबुटीको विरुवा पनि वितरण गरेका थिए।