एमाले,राप्रपा,कांग्रेस र जनमत पार्टी परित्याग गरि माओवादी केन्द्रमा प्रवेश

न्यूज ब्यूरो, जनकपुरधाम । धनुषाको धनुषाधाममा आयोजित नेकपा माओवादी केन्द्रको पार्टी प्रवेश कार्यक्रममा सयौँ नेता कार्यकर्ता माओवादी केन्द्रमा प्रवेश गरेका छन् ।

बुधबार नेकपा माओवादी केन्द्रका स्थायी कमिटि सदस्य एवम् धनुषा निर्वाचन क्षेत्र नम्बर १ का प्रतिनीधि सभा सदस्य मातृक प्रसाद यादवले नव प्रवेशीहरुलाई माओवादी केन्द्रमा प्रवेश गराएका छन् ।

नेपाली काँग्रेस, एमाले, राप्रपा र जनमत पार्टी परित्याग गरी सयौँ नेता कार्यकर्ता बुधबार नेकपा माओवादी केन्द्रमा प्रवेश गरेका हुन् ।

नेकपा माओवादी केन्द्र धनुषाधामको आयोजनामा वडा नम्बर १, २, ३ र ४ बाट सयौ कार्यकर्ता एमाले ,राप्रपा ,कांग्रेस , जसपा र सीके रातको पार्टी परित्याग गरि इन्दल मुखियाको नेतृत्वमा माओवादी केन्द्रमा प्रवेश गरेको हो ।

नव प्रवेशीहरुलाई नेता यादव र शिक्षा बिज्ञान प्रविधि राज्यमन्त्री बोधमाया यादव , धनुषा जिल्ला पार्टी सचिब दीपक यादव, प्रदेश कमिटी सदस्य झलकु यादब, श्याम यादबले सँयुक्त रुपमा माला अबिर लगाएर स्वागत गरे ।

उक्त कार्यक्रमको अध्यक्षता नगर अध्यक्ष परिक्षण यादब र संचालन उदय यादवले गरेका थिए ।