सिरहा प्रहरीद्धारा करिब ५ लाख मूल्य बराबरको अवैद्य समान पक्राउ

न्यूज ब्यूरो, सिरहा । भन्सार छली गरि ल्याएको करिब ५ लाख मूल्य बराबरको अवैद्य समान सिरहा प्रहरीले पक्राउ गरेको छ ।

शुक्रबार दिउँसो करिब ३ः०० बजेको समयमा सिरहा जिल्लाको बरियारपट्टि गाउँपालिका वडा नम्बर १ नर्गी चोकस्थितबाट २ लाख ४० हजार मूल्य बराबरको अवैद्य समाग्री पक्राउ गरेको हो ।

जिल्ला प्रहरी कार्यालय सिरहा र प्रहरी चौकी कचनारी सिरहाबाट खटिएको संयुक्त प्रहरी टोलीले चेकजाँच गर्ने क्रममा मोबाईलको एलटीई किप्याड नियन्त्रणमा लिएको हो ।

प्रहरी टोलीलाई देख्न साथ टाउकोमा बोकी ल्याएको ४ वटा कार्टुन फालेर मानिस फरार भएपछि उक्त कार्टुन भित्र खालेर हेर्दा २ लाख ४० हजार मूल्य बराबरको आटिईएल कि प्याड (सानो) मोवाईल नियन्त्रणमा लिई आवश्यक कार्वाहीको लागी भन्सार कार्यालय ठाडी सिरहामा बुझाईएको हो ।

फरार रहेको मानिसलाई खोजतलास कार्य भईरहेको जिल्ला प्रहरी कार्यालय सिरहाका प्रहरी प्रवक्ता डिएसपी सुभाष बुढाथोकीले जानकारी दिएका छन् ।

सोही क्रममा शनिबार दिउँसो करिब १२ बजेको समयमा जिल्ला सिरहा कर्जन्हा नगरपालिका वडा नम्बर २ स्थितमा ईलाका प्रहरी कार्यालय बन्दिपुर सिरहाबाट खटिएको प्रहरी टोलीले २ लाख ४७ हजार मूल्य बराबरको समान पक्राउ गरेको हो ।

चेक जाँच गर्ने क्रममा प्र. २–०२ ००१ च ००९२ नं. को म्याजिकमा हारपिक १३ कार्टुन, निर २ कार्टुन, फिनेल ८ कार्टुन, तारपिन तेल ४ कार्टुन गरी जम्मा मुल्य रु. ४७,५००।– र म्याजिकको मुल्य रु. २,००,०००।– गरी जम्मा मुल्य रु. २,४७,५०० मूल्य बराबरको सामान सहित सवारी साधन नियन्त्रणमा लिएको हो ।

समान सहित सवारीलाई समेत भन्सार कार्यालय पठाउने तयारी गरिएको र चालक फरार रहेकोमा खोजतलास कार्य भईरहेको डिएसपी बुढाथोकीले जानकारी दिए ।