यसपाली गोली चलोस् या तोप हामी रोकिने छैनौः डा. सिके राउत

न्यूज ब्यूरो, जनकपुरधाम । जनमत पार्टीका अध्यक्ष डा. सिके राउतले यसपाली गोली वा तोप जे चलाएपनि आफूहरु नरोकिने बताएका छन् ।

जनमत पार्टीका १७ जना कार्यकर्तामाथि प्रहरीले उपद्रव मुद्दा चलाएपछि शुक्रबार आन्दोलनमा उत्रेका स्वराजीहरुले समेत स्वेच्छिक गिरफ्तारी दिएपछि उनले त्यस्तो नगर्न आग्रह गरेका छन् ।

आखिरी स्वास रहेसम्म लडने भन्दै उनले जनमत पार्टीका कार्यकर्ताहरुलाई स्वेच्छिक गिरफ्तारी नदिन निर्देशन दिएका छन् । प्रहरीले आन्दोलनको क्रममा कार्यकर्ताहरुको मोटरसाईकल उठाएर लगेपछि डा. राउतले आफ्नो समानको रक्षा स्वयँम गर्न पनि भनेका छन् ।

“स्वेच्छिक गिरफ्तारी नहीं दें – आखिरी सांस तक लडें ( अपने और अपनी सामान की रक्षा खुद करें, वीरता दिखाकर इतिहास रचें
स्वतन्त्र मधेश गठबन्धन का अपना लक्ष्य, सिद्धान्त और रणनीति थी। पर जनमत पार्टी ुस्वतन्त्र मधेश गठबन्धनु नहीं है कि वह थप्पड मारने देगी और बदले में वह फूल देगी। वह दिन खत्म।”– उनले सचिवालयको अधिकारिक फेसबुक पेजमा लेखेका छन् ।

जनमत पार्टी निर्वाचन आयागमा दर्ता भएको अन्य दोस्रो पार्टीकै जस्तै राजनीतिक पार्टी रहेको बताउँदै दोस्रो पार्टी जतिको आन्दोलन गर्छन, जतिको गतिविधि गर्छन त्यति गर्ने अधिकार कमसेकम जनमत पार्टीको पनि सँवैधानिक अधिकार रहेको उल्लेख गरेका छन्

उनले अगाडी लेखेका छन् –“स्वेच्छिक गिरफ्तारी बिलकुल नहीं दें। अपने और अपनी सामान की सुरक्षा खुद करें और उसके लिये तैयार रहें। आखिरी सांस तक लडें। इसबार छोडना नहीं है चाहे जो आ जाये, जो कुछ हो जाये। चाहे गोली चले या तोप, रूकना नहीं है। वीरता दिखाकर इतिहास रचना है। दिल दिया है जान भी देंगे ऐ वतन तेरे लिये ।”

शुक्रबार जनमत पार्टीका पक्राउ परेका नेता तथा कार्यकर्ताहरुको रिहाईको माग गर्दै शान्तीपूर्ण आन्दोलनमा उत्रेका जनमत पार्टीका कार्यकर्ताहरुको मोटरसाईकल प्रहरीले नियन्त्रणमा लिएको थियो ।