जनकपुरको काव्या हस्पिटल अगाडीबाटै मोटरसाईकल बेपत्ता

न्यूज ब्यूरो, जनकपुरधाम । जनकपुरधामस्थित रहेको काव्या हस्पिटलको अगाडीबाटै एक जनाको मोटरसाईकल चोरी भएको छ ।

मँगलबार बिहान जनकपुरस्थित रहेको काव्या हस्पिटलको अगाडी पार्क गरि राखिएको मोटरसाईल चोरी भएको हो । मोटरसाईकल स्टेण्ड गरी हस्पिटलमा आफन्तको उपचारको लागि गएपछि मोटरसाईकल चोरी भएको हो ।

मोटरसाईकल चोरी गर्ने चोरको मुखडा समेत सिसिटिभी क्यामेरामा देखिएको छ । यद्यपी, स्थानीय प्रहरीलाई जानकारी गराउँदा पनि प्रहरीले कुनै चासो नलिएको गाडी धनी साकिर हुसैनले जानकारी दिए ।

मगँलबार बिहान ज ८ प ८६०७ नम्बरको मोटरसाईकल हस्पिटल अगाडी पार्किङमा राखेर हस्पिटल छिरे लगत्तै मोटरसाईकल चोरी भएको हुसैनले जानकारी दिए ।

सिसिटिभीमा देखिए अनुसार, चोरी गर्ने युवकले मोटरसाईलको स्टार्टअपको तारलाई सर्ट सर्किट गरेर स्टार्ट गरी चोरेका छन् ।