जनकपुरः मनिट्रान्सफर सञ्चालकमाथि सामुहिक कुटपिट, दश लाख लुटेको आरोप
सञ्चालक महतोले घाटीमा लगाएको आँधा तोला सुनको हनुमानजीसमेत लुटेको छ ।
२०७८ कार्तिक १ सोमबार, दिउँसो ४:३४ बजे१ मिनेट पढाइ
न्यूज ब्यूरो, जनकपुरधाम । जनकपुरमा एक जना मनिट्रान्सफरको सञ्चालकमाथि कुटपीट भएको छ ।
आइतबार साँझ कमला नगरपालिका ६ सखुवा मरानास्थित सुमित एण्ड आदित्य मनिट्रान्सफरको सञ्चालक गणेश महतोमाथि कुटपीट भएको हो ।
सञ्चालक महतोका अनुसार ५÷७ जनाको समुहमा आएका एक समुहले कुटपीट गर्दै लुटपाट गरेको छ । मनिट्रान्सफरमा रहेको दश लाख रुपैया त्यो समुहले लुटेको उनको अरोप छ ।
सञ्चालक महतोले घाटीमा लगाएको आँधा तोला सुनको हनुमानजीसमेत लुटेको छ । कुटपीटबाट घाईते भएका महतो प्रादेशिक अस्पताल जनकपुरधाममा भर्ना भएका छन् ।
उनले जिल्ला प्रहरी कार्यालय धनुषामा कुटपीट भएको निवेदनसमेत दर्ता गराएका छन् । उनले दर्ता गराएको निवेदनमा कमला नगरपालिका ६ कै दयाराम पासमान, गंगाराम पासमान, काशेश्वर पासमान, तपेश्वर पासमान, भोला मुखिया र मुकेश पासमानले कुटपीट गरी रुपैयाँ लुटेको आरोप लगाएको छ ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…