२० हजार घुससहित लेखापाल अख्तियार गिरफ्तमा

न्यूज ब्यूरो ||
सिरहा, ४ चैत्त । सिरहाको कल्याणपुर नगरपालिकाका लेखापाललाई अख्तियार दुरुपयोग अनुसन्धान आयोगले घुस सहित रँगेहात पक्राउ गरेको छ ।

लेखापाल जयराम चौधरी २० हजार घुससहित पक्राउ परेका छन ।

अख्तियार दुरुप्योग अनुसनधान आयोगको टोलीले आज उनको डेराबाटै २० हजार घुससहित पक्राउ गरेको हो ।

अख्तियार टोलीका अनुसार नायव सुब्बा पदमा कार्यरत लेखापाल चौधरीले कार्यालयको सामान मर्मत लगायतका बिल भुक्तानी गरिदिए बापत सोही नगरपालिकाका वडा सचिव सरुवा भइ रमाना बुझिसकेका संग २० हजार घुस लिएका थिए ।

सो घुस लिइरहेको अवस्थामा उनलाई सिरहा नपा ७ स्थित डेराबाट आज अपरान्ह करिब ४ बजे चौधरीलाई नियन्त्रणमा लिएको हो ।

लेखापाल पक्राउ परेपनि लाखौँ लुट्ने कर्मचारीहरु भने अझ अख्तियारको फन्दाबाट बाहिर रहेका छन् ।

विभिन्न समयमा भित्रैभित्र लाखौँ रकम घुस लिएर अवैद्यानिक एवम् गैर कानुनी कार्य मा सँलग्न कर्मचारीहरु समेत अख्तियारको फन्दा भन्दा बाहिर रहेपनि समय अनुकूल फन्दामा आउने बताइएको छ ।