बालकको हत्या भएको छ : एसपी सिँह
न्यूज ब्यूरो || धनुषा, ४ चैत्त । धनुषामा आठ वर्षीय बालकको अपहरण पश्चात् हत्या भएको भनेर प्रहरीले बताएको छ । कमला नगरपालिका– ८ हरिने बस्ने प्रमोद साहका आठ वर्षीय छोरा रमणको हत्या भएको जिल्ला प्रहरी कार्यालय धनुषाले जनाएको छ । बालकको शव आज बिहान गाउँ नजिकै कुलामा हत्या गरेर फालिएको अवस्थामा फेला परेको
२०७४ चैत ४ आइतबार, दिउँसो २:४९ बजे१ मिनेट पढाइ
न्यूज ब्यूरो ||
धनुषा, ४ चैत्त । धनुषामा आठ वर्षीय बालकको अपहरण पश्चात् हत्या भएको भनेर प्रहरीले बताएको छ ।
कमला नगरपालिका– ८ हरिने बस्ने प्रमोद साहका आठ वर्षीय छोरा रमणको हत्या भएको जिल्ला प्रहरी कार्यालय धनुषाले जनाएको छ ।
बालकको शव आज बिहान गाउँ नजिकै कुलामा हत्या गरेर फालिएको अवस्थामा फेला परेको छ ।
शनिबार साँझदेखि घरबाट बेपत्ता रमणको शव आज बिहान स्थानीय बासिन्दाले कुलाको पानीमा तैरिरहेको अवस्थामा देखेपछि प्रहरीलाई खबर गरेका थिए ।
मृत बालकको शरीरमा घाउचोट र नीलडाम भेटिएकाले अपहरण गरी हत्या गरेर नै फालिएको हुन सक्ने धनुषाका प्रहरी उपरीक्षक चक्रबहादुर सिंहले बताउनुभयो ।
शव परीक्षणका लागि जनकपुर अञ्चल अस्पतालमा राखिएको छ ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…