मानसिक स्वास्थ्य कमजोर गर्भवतीको जनकपुरका यी समाजसेवीहरुले गरे उद्धार

न्यूज ब्यूरो, जनकपुरधाम । मानसिक स्थित कमजोर भएकी एक गर्भवति महिलालाई जनकपुर र वीरगँजका समाजसेवीहरुले उद्धार गरेका छन् ।

मंगलबार जनकपुर र वीरगञ्जका समाजसेवीहरुले आ आफ्नो तर्फबाट सहयोग गर्दै महिलाको उपचार सहज पारेका छन् । त्यसको लागि अभियन्ता प्रकाश थारु लगायतको टोली मंगलबार बिहान महिलालाई उपचारको लागि अस्पताल भर्ना गरेको हो ।

धनुषाधाम नगरपालिका–९ धारापानीबाट मानसिक स्वास्थ्य ठिक नभएको गर्भवतीमहिलालाई त्यस वडाका वडाध्यक्ष संजीव यादव, स्थानीय समाज सेवी जगदीश महतो स्थानी इलाका प्रहरी कार्यालयको प्रमुख , जनकपुर निवासी समाजसेवी एवम् वन अधिकृत सुरेश शर्मा तथा पुनर्जीवन नेपाल पुनर्स्थापना केन्द्रको प्रमुख अजितम पाण्डे लगायतका सहयोगी हातहरूको साहयोगबाट उद्धार गरिएको छ ।

मानव सेवा आश्रम वीरगञ्ज शाखाको पहलमा मानसिक स्वास्थ्य कमजोर भएकी एक गर्भवतीको रिना देवीलाई उद्धार गरिएको हो ।

उनले अन्य मानिसलाई देख्ने बित्तिकै गाली गर्ने र एक्लै पनि कराइरहने गरेको स्थानीयले बताएका छन् । उनको अहिले वीरगञ्जस्थित प्रभु अस्पतालमा उपचार भइरहेको सामाजिक अभियन्ता प्रकाश थारुले जानकारी दिए ।