आमालाई करेन्ट लागेको देखेर छुटाउन जाँदा एक युवकको मृत्यू आमा अस्पतालमा

न्यूज ब्यूरो, सिरहा । प्रदेश नम्बर २ को सिरहा जिल्लास्थित करेन्ट लागेर एक युवकको मृत्यू भएको छ ।

सिरहाको कर्जन्हा नगरपालिका वडा नम्बर ६ बस्ने बर्ष २० का अश्वनी कुमार झा “मोनु” को बुधबार करेन्ट लागेर मृत्यू भएको ईलाका प्रहरी कार्यालय मिर्चैयाले जनाएको छ ।

प्रहरीका अनुसार, मोनुको आफ्नै घरको चापाकल (ह्याण्डपाईप) मा विद्युत प्रवाह भएको र उनको आमालाई करेन्ट लागेको देखेपछि छोडाउने क्रममा मोनुको ज्यान गएको हो ।

सुरुमा करेन्ट लागेको मोनुको आमा भने गम्भीर घाइते भएकी हुन । घाईतेलाई फुलकुमारी महतो मेमोरियल असपताल कर्जन्हामा उपचार भैरहेको छ । आमालाई जोगाउन जाँदा छोरा नै मरेपछि सिँगो टोल शोकमग्न भएको छ ।