महोत्तरी युवा सञ्जालको 'काठमान्डौँ उपत्यका' विशेष कार्य समिति गठन, सँयोजकमा सिँह

न्यूज ब्यूरो, जनकपुरधाम । प्रदेश नम्बर २ को महोत्तरी जिल्लास्थित रहेको युवा युवतिहरुको समूह महोत्तरी युवा सँजालको काठमान्डौँ उपत्यका विशेष समिति गठन गरिएको छ ।

देशको राजधानी काठमान्डौँस्थित शनिबार बसेको सँजालको बैठकबाट शिवशँकर प्रसाद सिँहको नेतृत्वमा ७ सदस्यीय कार्य समिति गठन गरिएको हो । महोत्तरी युवा सँजालका अध्यक्ष चुडामणी यादवको अध्यक्षता तथा डा. सुभाष घिमिरेको प्रमुख आतिथ्यमा बसेको बैठकबाट नयाँ कार्य समिति गठन गरिएको हो ।

उपत्यका समितिको सह–सँयोजकमा सुबोध ठाकुर र काजल राय, सचिवमा शिव यादव, उप–सचिवमा मधु कुमारी जयशवाल र आभाष ठाकुरलाई चयन गरिएको छ भने समन्वय सँयोजकमा राम अवधेश यादवलाई चयन गरिएको हो ।

संजालकी सक्रिय सदस्य रिँकु साहले सँचालन गरेको सो कार्यक्रमकै दौरान सदस्यहरुको लागि अभिमुखिकरण कार्यक्रम समेत गरिएको थियो । उनीहरुलाई सँस्थाको नीति, नियम, कार्य गर्ने शैली, अनुशासनको बारेमा तालिम दिइएको थियो ।

सो क्रममा अतिथिहरुमा समाजिक अभियन्ता सुनिल थापा, अनुजा दत्त, ईन्जिनीयर बिजय यादव , गणेश मह्तो र संजालका सल्लाहकार सुनिल महतोको उपस्थित सहित संस्थापक ई. धिरज साह , देवेन्द्र राम ,प्रभा कुमारी यादवको विशेष उपस्थित रहेको थियो।