जनकपुरः मोसा दुर्घटना हुँदा एक युवकको घटनास्थलमै मृत्यु

मृतकको शव पोस्टमार्टमका लागि जनकपुरस्थित प्रादेशिक अस्पताल पठाइएको

२०७८ असोज १ शुक्रबार
दिउसो ४:०९ बजे
न्यूज ब्यूरो, डेस्क
यो तस्विर गुगलबाट लिएर साँकेतिक प्रयोजनको लागि मात्र प्रयोग गरिएको छ ।

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि लगतै रहेको धनुषाको ढल्केवरमा दुई मोटरसाइकल एकापसमा ठोक्किएर दुर्घटना हुँदा एक जनाको मृत्यु भएको छ। दुर्घटनामा अर्का एकजना  घाइते भएका छन्।

शुक्रबार बिहान पूर्व–पश्चिम राजमार्ग अन्तर्गत धनुषाको मिथिला नगरपालिका–६ ढल्केवरस्थित पुर्व चौकमा  पूर्वबाट पश्चिमतर्फ आउँदै गरेको लु. ७२ प. ४७९२ नम्बरको मोटरसाइकल र विपरित दिशाबाट जाँदै गरेको स. ४ प. ७९२६ नम्बरको मोटरसाइकल एकआपसमा ठोक्किएर दुर्घटना भएको प्रहरीले जनाएको छ । 

दुर्घटनामा परेर स. ४ प. ७९२६ नम्बरको मोटरसाइकल चालक सिरहाको विष्णुपुर गाउँपालिकास्थित नरहाका अन्दाजी ३० वर्षीय रुपेश यादवको घटनास्थलमै मृत्यु भएको इलाका प्रहरी कार्यालय ढल्केवरका प्रहरी निरीक्षक प्रदीप सुवेदीले जानकारी दिए। 

उनका अनुसार लु. ७२ प. ४७९२ नम्बरको मोटरसाइकल चालक धनुषाको गणेशमान चारनाथ नगरपालिका–६ बस्ने ४६ वर्षिय मोहम्मद हासिम घाइते भएका छन्।  घाइतेको उपचार स्थानीय स्वास्थ्य केन्द्रमा भइरहेको र उनको अवस्था सामान्य रहेको प्रहरी निरीक्षक सुवेदीले जनाए। 

मृतकको शव पोस्टमार्टमका लागि जनकपुरस्थित प्रादेशिक अस्पताल पठाइएको इलाका प्रहरी कार्यालय ढल्केवरले जनाएको छ।

  • 1%
  • 88%
  • 0%
  • 0%
  • 7%
  • 4%

शहिदनगरमा कार्तिक ४ र ५ गते कोरोना विरुद्धको भ्याक्सीन लगाइने 

  • २०७८ असोज १ शुक्रबार

न्यूज ब्यूरो, जनकपुरधाम । धनुषाको शहिदनगरमा कार्तिक ४ गते (विहिबार) र कार्तिक ५ गते (शुक्रबार) गरी दुई दिन कोरोना विरुद्धको खोप लगाउने भएको छ ।  शहिदनगर नगरपालिकाले एक सूचना जारी गर्दै

पूरा पढ्नुहोस्

Bureau Menus