यातायात कार्यालय जनकपुरमा २० गतेदेखि नयाँ लाईसेन्सको बायोमेट्रिक हुने

न्यूज ब्यूरो, जनकपुरधाम । यातायात कार्यालय जनकपुरमा आउँदो भदौ २० गतेदेखि नयाँ लाईसेन्सको लागि बायोमेट्रिक हुने भएको छ ।

यसअघि गत बैशाख २१ गतेदेखि असार ८ गतेसम्मको प्रभावित बायोमेट्रिक आउँदो भदौ २० गतेदेखि पुनः दर्ता हुने सूचना प्रकाशित गरिएको छ । यातायात व्यवस्था कार्यालय जनकपुरले शुक्रबार एक सूचना जारी गरी छुटेका बायोमेट्रिक भदौ २० गतेदेखि पुनः दर्ता गरिनेछ ।

कोभिड–१९ को कारण यातायात कार्यालय जनकपुरबाट सवारी चालक अनुमति पत्र (लाईसेन्स) को बायोमेट्रिक दर्ता बैशाख २१ गतेदेखि असार ८ गतेसम्मको सो अवधीमा अनलाईन फाराम दिएकोमा सोही अनुसार बायोमेट्रिक पनि हुने भएको छ ।

यातायात कार्यालय जनकपुरमा बायोमेट्रिक दर्ताको लागि २०७८ बैशाख २१, २२ र २७ गते अनलाईन फाराम दिएको दर्ता मितिका चालकहरुले यस कार्यालयमा भदौ २० गते आईतबार बायोमेट्रिक दर्ता हुने जनाइएको छ ।

यस्तै, बैशाख २७, २८ र २९ गते अनलाईन फाराममा दिएको दर्ता मिति भएको खण्डमा भदौ २१ गते सोमबार आउन भनिएको हो । जेठ २,३,४ र ५ गते बालाहरुलाई भदौ २२ गते मँगलबार बायोमेट्रिक गर्न आउन सूचना प्रकाशित गरिएको छ ।

यातायात कार्यालय जनकपुरका निमित्त कार्यालय प्रमुख बीरेन्द्र साहद्धारा हस्ताक्षरित सूचनामा जेठ ९,१०, ११ र १२ गते अनलाईनको दर्ता मिति रहेकोबाला चालकहरुले भदौ २३ गते बुधबार कार्यालयमा बायोमेट्रिकको लागि आउन अनुरोध गरिएको छ ।

यस्तै, जेठ १६, १७, १८ र १९ गतेबालाहरुलाई भदौ २७ गते आईतबार, जेथ २३,२४,२५ र २६ गते मिति परेकाहरुले भदौ २८ गते सोमबार यातायात कार्यालय जनकपुरमा गएर आफ्नो डिजिटल बायोमेट्रिक गराउन सक्ने जनाइएको छ ।

सोही क्रममा जेठ ३०, ३१ र असार १ र २ गते अनलाईन फाराममा अफिस भिजिटको मिति तय भएका सवारी चालकहरुले भदौ २९ गते मँगलबार बायोमेट्रिक गराउन सक्ने जनाइएको छ । यस्तै, असार ६, ७, ८ र ९ गते मिति तय भएका चालकहरुले भदौ २० गते बुधबार बायोमेट्रिक गराउन सक्ने भएको छ ।

कोभिडको कारण अवरुद्ध भएको सो बायोमेट्रिक भदौ २० गतेदेखि भदौ ३० गतेसम्म सम्पर्क गर्न सूचना गरिएको छ ।