प्रदेश २ः रक्सी खाएर मोटरसाईकल चलाएपछि नदीमा खस्यो, एक जनाको मृत्यू, एक गम्भिर

न्यूज ब्यूरो, राजविराज । प्रदेश नम्बर २ को सप्तरी जिल्लास्थित रक्सी सेवन गरी मोटरसाईकल चलाउँदा एक युवकको मृत्यू भएको छ ।

सप्तरीको राजविराजमा भएको मोटरसाईकल दुृर्घट्नामा एक जनाको मृत्यू भएको छ भने अर्का एक जना घाईते भएका छन । तीन जना सवार मोटरसाईकलका अर्का एक जना भने फरार भएका छन् ।

जिल्ला प्रहरी कार्यालय सप्तरीका अनुसार शुक्रबार बिहान करिब ११ बजेतर्फ राजविराज नगरपालिका वडा नम्बर १५ स्थित खाँडो खोला पुल नजिकै अनटेष्ट मोटरसाईकल दुर्घट्ना हुँदा युवकको ज्यान गएको हो ।

तीन जना सवार मोटरसाईकल अनियन्त्रीत भएर खाँडो नदीमा खसेपछी मोटरसाईकल चालक राजविराज नगरपालिका वडा नम्बर ११ झलही फर्सैठ निवासी २६ वर्षिय विनोद सदाको ज्यान गएको छ ।

उनको उपचारको क्रममा स्थानीय गजेन्द्रनारायण सिह अस्पतालमा ज्यान गएको डिएसपी माधव प्रसाद काफ्लेले जानकारी दिए ।

मोटरसाइकलको पछिल्लो सीटमा सवार सोही वडा निवासी २१ वर्षिय गौतम सदा घाइते भएका छन् । धनराज सदा भने फरार छन् । उनको खोजी कार्य भइरहेको प्रहरीको भनाई छ ।

तीन जना सवार तथा अत्याधिक मदिरा सेवनका कारण चालकले नियन्त्रण गुमाउदा गाडी खाडो नदीमा पसेको स्थानिय प्रत्यक्षदर्शीहरुले बताएका छन् । यद्दपी प्रहरीले पोष्टमार्टम रिपोर्ट आएपछि मात्र यसबारे यकिन भन्ने सकिने जनाएको छ ।

मृतकको शव पोष्टमार्टमका लागि सोही अस्पतालमा राखी घटनाबारे थप अनुसन्धान भइरहेको डिएसपी काफ्लेले जानकारी दिए ।