समृद्ध प्रदेश निर्माण अभियानमा मुख्यमन्त्री राउत

न्यूज ब्यूरो ||
जनकपुरधाम, १ चैत्त । प्रदेश नं. २ का मुख्यमन्त्री मो. लालबाबु राउतले प्रदेश सरकारहरूले अधिकतम लगानी बढाई समृद्ध प्रदेश निर्माणको अभियानमा लागेको बताएका छन् ।

संघीयतामा नयाँ प्रयोग र समृद्धिको बाटो औँल्याउन प्रदेश मुख्यमन्त्री राउतले प्रदेशको चुनौती देखाउदै प्रदेशको विकासका लागि अघि बढ्नुपर्नेमा जोड दिए ।

बुधबार सातै प्रदेशका मुख्यमन्त्रीहरूलाई नेपाल चेम्बर अफ कमर्सले गरेको अभिनन्दन कार्यक्रममा राउतले २ नं. प्रदेशमा आफ्नो प्रदेशमा लगानी ल्याउन आग्रह गरेका हुन् ।

साथै लगानीको आवश्यक सुरक्षाको मौखिक प्रतिवद्धता समेत जनाएका छन् । उनले निजी क्षेत्रको लगानी आकर्षणका लागि गरेका प्रतिवद्धता र योजना संक्षिप्तमा प्रस्तुत छ ।

'प्रदेश २ मुलुक विकासका लागि निजी क्षेत्रको लगानी अपरिहार्य छ । अहिले दुई नम्बर प्रदेशको अवस्था हेर्दा निजी प्रदेश नं. २ मुख्यमन्त्री राउतको यस्तो छ प्रदेश बनाउने प्रतिबद्धता क्षेत्रको ठूलो सहयोग आवश्यक परेको प्रष्ट देखिन्छ । दुई नम्बर प्रदेश मानव विकास सूचकांकमा निकै पछि परेको छ ।'

के कति कारणले विगतमा पछि प¥यो, त्यसमा चर्चा गर्न चाहँन्न । अब दुई नम्बर प्रदेशलाई कसरी सुशासन युक्त, शिक्षित र समृद्ध प्रदेश बनाउन सकिन्छ, यो मैले बोकेको प्रमुख एजेण्डा हो ।

"यो एजेण्डामा निजी क्षेत्रको भरपुर सहयोगको अपेक्षा हामीले राखेका छौँ । यहाँहरूको लागानीका लागि उपयुक्त वातरण बनाउन र काम गर्नका लागि हरसम्भव त्यो वातावरण तयार गर्नु मेरो प्रमुख दायित्व र जिम्मेवारी हुनेछ । म त्यो जिम्मेवारी पूरा गर्नका लागि हरसम्भव प्रयास गर्नेछु ।

यदी दुई नम्बर प्रदेश कुनै कारणले पछि प¥यो भने यो मुलुक समृद्ध बन्न सक्दैन। सुशासन हुन सक्दैन । शान्ति र स्थिरता हुन सक्दैन। दुई नम्बर प्रदेशको हकमा यसको संरचना, बनोट, सोच धेरै अन्य प्रदेशभन्दा विशिष्ट खालको छ । यो प्रदेशलाई कसरी समृद्ध र दीक्षीत बनाउने भन्ने मेरो योजना हो ।

प्रदेशको शान्ति, स्थिरता र विकासमा मुलुककै शान्ति, स्थिरता र विकास निर्भर हुने भएकाले निजी क्षेत्रसँग मेरो अनुरोध छ कि धेरै कुरा हौवा फैलाए पनि उपयुक्त लगानीमैत्री वातावरण बनाउने मेरो प्रमुख लक्ष्य रहेको छ । यसमा हरसम्भव प्रयास र तपाईंहरूको भरपूर सहयोग दुई नम्बर प्रदेशले पाउने अपेक्षा राखेको छु ।" जनकपुरबाट प्रकाशित हुने दैनिक पत्रिका न्यूजपेपरमा छापिएको छ ।