बलात्कार मुद्दाका अभियुक्त यादव पक्राउ

न्यूज ब्यूरो, १८ साउन । बलात्कार आरोपमा फरार रहेका धनुषाका एक पुरुषलाई प्रहरीले पक्राउ गरेको छ ।

पक्राउ पर्नेमा धनुषाको शहिदनगर नगरपालिका वडा नम्ब १ बालाबाखर बस्ने बर्ष ३७ का नरेश यादव रहेका छन् । प्रदेश प्रहरी कार्यालय जनकपुर, इलाका प्रहरी कार्यालय खजुरी र प्रहरी चौकी ठाडी झिझाबाट खटेको संयुक्त टोलीले यादवलाई महिनाथपुरबाट पक्राउ गरेको बताइएको छ ।

एक वर्ष अगाडी महिलालाई बलात्कार गरेको आरोपमा उनीमाथि प्रहरीमा मुद्दा दर्ता रहेको र त्यसैदिनदेखि उनी फरार रहेका थिए । पक्राउ परेपछि कारबाही अगाडी प्रहरीले कारबाही अगाडी बढाएको छ ।