करेन्ट लागेर मृत्यू प्रकरणको एउटै घटनामा तीनटा जाहेरी : इन्सपेक्टर ठाकुर

न्यूज ब्यूरो, १४ साउन । धनुषामा करेन्ट लागेर मृत्यू भएको प्रकरणमा एउटै घटनामा तीनटा जाहेरी परेको प्रहरीले जनाएको छ ।

एउटा घटनामा एउटा जाहेरी मात्र पर्ने भएपनि तीन पटक तिन प्रकारको जाहेरी लिएर विभिन्न व्यक्तिहरु आएको इलाका प्रहरी कार्यालय धनुषाधामका प्रहरी नीरिक्षक सुरेश ठाकुरले बताएका छन् ।

उनका अनुसार, अधिकारिक रुपमा आएको जाहेरीमा १५ जनाको नाम राखिएको थियो । जुन करेन्ट लागेर मृत्यू भएको धनुषाधाम नगरपालिका वडा नं. ७ का धनी यादवको काकाले दिएको थियो ।

मृतक धनी यादवको काकाले दिएको जाहेरीमा दुई पक्षबीच झगडा हुँदा करेन्ट लागेर मृत्यू भएको खण्डमा १५ जनाको नाम राखेर अनुसन्धान गर्न हुलाक मार्फत जाहेरी पठाएका थिए ।

१५ जनाको नाममा मृतक धनीका काका तीर्थ यादवले दिएको जाहेरीमा स्थानीय बलदेव मण्डल, ७० बर्षिय सहदेव मण्डल, ४५ बर्षिय जगदेव मण्डल, २५ बर्षिय रामबाबु मण्डल, बर्ष २५ की शान्ती मण्डल, ४५ को सुहागो देवी मण्डल, २५ की रिँकु देवी मण्डल, बर्ष ४० को बेचन मण्डल, श्याम महतो, राजकिशोर साह तेली, गर्भा साह, गोलाई साह, बहादुर मण्डल, ढँगरु मण्डल, प्रमोद मण्डल गरी १५ जनाको नाम परेको थियो ।

१५ जना नासहितको जाहेरी

ईलाका प्रहरी कार्यालय धनुषाधामले हुलाक मार्फत गएको अधिकारिक जाहेरी अनुसार नै जाहेरी दर्ता गर्न तयार रहेको भएपनि केही स्थानीय गाउँले नेता र केही सँस्थाका व्यक्तिहरुले अस्वभाविक हस्तक्षेप गरेको आरोप लगाए ।

उनले आफू १५ जनाकै नाममा जाहेरी दर्ता गर्न तयार रहेपनि उनीहरुले नाम थपघट गरी अर्को जाहेरी ल्याएपछि घटनामा निर्दोष फँसाउने र दोषी उम्काउने षडयन्त्र भएको थाहा भएको बताए ।

उनले भने, –“अधिकारीक रुपमा हुलाकबाट जाहेरी आएपछि जाहेरी दर्ता नगर्ने कुरै भएन्, जसरी पनि जाहेरी दर्ता गर्नुपर्ने हुन्छ । तर, एकजनाले आफूलाई अभियन्ता भन्ने सरोज राय र आफूलाई नेता भन्ने सरिन मल्लले प्रहरीले जाहेरी दर्ता नगरेको भनेर अनावश्यक भ्रम फैलाए । यद्यपी, उनीहरुले जाहेरी परेको अवस्थामा पनि ७ जनाको नाम लिएर जाहेरी दियो । अनि मलाई शँका लाग्यो ।”

उनले १५ जनाको नाममा परेको अधिकारिक जाहेरीमा पनि ८ जनाको नाम हटाएर ७ जनाको नाममा जाहेरी ल्याएपछि केही व्यक्तिहरु फँसाउन खोजिएको निष्कर्ष निकालेको बताए ।

आफूलाई अभियन्ता भन्ने सरोज राय र आफूलाई स्थानीय नेता भन्ने सरिन प्रताप मल्ले ल्याएको अर्को जाहेरीमा बलेदव मण्डल, जगदेव मण्डल, रामबाबु मण्डल, शोभित मण्डल, बेचन मण्डल, श्याम महतो सुडी र ढँगरु महतो सुडीको नाम हालिएको थियो । जबकी मृतकको काकाले दिएको जाहेरीमा १५ जनाको नाम थियो ।

सरोज रायले लगेको भनिएको ७ जना उपरको जोहरी

इन्सपेक्टर ठाकुरका अनुसार, एउटै घटनामा अधिकारिक जाहेरी परिसकेको अवस्थामा अर्को जाहेरीको कुनै तुक नभएको र प्रहरीको अनुसन्धानमा अस्वभाविक हस्तक्षेप गरेपछि आफूले जाहेरी दर्ता नगर्ने अडान राखेको बताए ।

केही जनाले यसमा आर्थिक चलखेल गरी दोषीलाई उम्काउने प्रयास गरेको पनि बताए । उनले भने,–“स्वयँम मृतक परिवारले नै १५ जनाको नाम हालेको जाहेरीमा ८ जनाको नाम हटाउनु, अन्य व्यक्तिको नाम थपेर अर्को जाहेरी दिनुको अर्थ के त ?”

जानकारी अनुसार, घटनालाई बँग्याएर घटनामा सँलग्नहरुलाई उम्काउनको लागि उनीहरुबाट २ देखि ५ लाख रुपैयाँसम्म लिएर जाहेरीबाट नाम हटाएको आरोप पनि छ । यद्यपी, यो आरोप अझै पुष्टि भएको छैनन् ।

इन्सपेक्टर ठाकुरका अनुसार, सरोज रायले नै पुनः विहिबार ९ जनाको नामको जाहेरी लिएर ईलाका प्रहरी कार्यालय धनुषाधाम पुगेका थिए । घटनामा घाईते भएका घाईतेले स्वयँम पनि भाग्ने क्रममा करेन्ट लागेको बयान दिएपनि अन्यलाई दबाब र प्रभाव पारी बयान फेर्न लगाएको आरोप लगाए ।

करेन्ट तीन जनालाई लागेको थियो, जसमा धनी यादवको मृत्यू भयो भने रामजीवन यादव र राजु साह बाच्न सफल भए । रामजीवनले आफूहरुलाई बेहोस पारी तारमा फालेको आरोप लगाउँदै उक्साहटमा पत्रकार सम्मेलन समेत गरे । तर, उनीसँगै रहेका राजु साहले भने आफूहरु भाग्ने क्रममा अँध्यारोमा नाँगो तारमा करेन्ट लागेको बयान दिएपछि आफूलाई अभियन्ता र नेता भन्नेहरुको मनसाय छताछुल्ल भएको स्थानीय शिवशँकर साह बताउँछन् ।

यता, सरोज रायले भने आफू कुनै पनि जाहेरीमा थपघट नगरेको प्रक्रिया दिएका छन् । न्यूज ब्यूरोसँगको कुराकानीमा उनले जाहेरीको बारेमा आफूलाई केही थाहा नभएको प्रतिक्रिया दिएका छन् । उनले जाहेरीमा कसको कसको नाम राखिएको आफूलाई केही थाहा नभएको बताएका छन् ।

विहिबार सरोज रायले लगिएको भनिएको ९ जनाबाला जाहेरी

रायले आफू पीडित परिवारको तर्फबाट जाहेरी दर्ता गराउनको लागि मात्र पहल गरेको बताएका छन् ।

सरोज राय र सरिन मल्लले लिएर गएको जाहेरीमा परेको ९ जनाको नाममा बलदेव मण्डल, जगदेव मण्डल, श्याम मण्डल, रामबाबु मण्डल, शोभित मण्डल, बेचन मण्डल, श्यामे भन्ने श्याम महतो सुडी, ढँगरु महतो सुडी, बहादुर मण्डल सहित अन्य नचिनेको १०/१२ जना व्यक्तिहरु भनेर उल्लेख गरिएको छ । यसमा नचिनेका व्यक्तिहरुको नाम भन्नाले १५ जनाको नामबाट हटाइएको व्यक्तिहरुको नाम हो । यीनीहरुबाट आर्थिक चलखेल भएको आरोप छ । आरोप भने पुष्टि भएको छैनन्

विहिबार ९ जना सहित १०/१२ जनाको अज्ञात व्यक्तिहरुको समेतको जाहेरी लिएर गएका सरोज रायको जाहेरी प्रहरीले दर्ता नगरेर हुलाकबाट आएको १५ जनाको नामको जाहेरी दर्ता गरेको बताइएको छ ।

गत असार ३० गते धनुषाधाम नगरपालिका वडा नम्बर ७ किसानपुरस्थित करेन्ट लागेर एक युवकको मृत्यू भएपछि केही स्थानीय नेता सहित एनजिओबालाहरु मोटो रकमको माग गरी नाम थपघट गरेको आरोप लगाइएको छ ।

१५ जनाबाला जाहेरीमा परेको नाममा बर्ष २५ की शान्ती मण्डल, ४५ को सुहागो देवी मण्डल र २५ की रिँकु देवी मण्डललाई जातीय दुश्मनीको कारण फँसाइएको स्थानीयहरु बताउँछन् । घटनासँग महिलाहरुको कुनै सरोकार नै नरहेको अवस्थामा यीनीहरुको नाम पुरानो रिसबी र दुश्मनीले हालिएको आरोप स्थानीयहरुले लगाएका छन् ।

मृतक धनी यादवको परिवारसँग शान्ती, सुहागो र रिँकु मण्डलको घरायसी झगडाको कारण यही घटनामा फँसाउनको लागि उनीहरुको नाम दिएको बताइएको छ । केही स्थानीयहरुले आफ्नो दुश्मनी साध्नको लागि लागि घटनाबाट कोषौँ दुर रहेकी तीन महिलाको समेत नाम राखिएको बताइन्छ ।

यसबारे ईलाका प्रहरी कार्यालय धनुषाले सुक्ष्म रुपमा अनुसन्धान गरिरहेको छ । १५ माथि नै जाहेरी दर्ता गरेर अनुसन्धान प्रक्रिया अगाडी बढाएको हो ।