चौधरी सहित अन्य फौजदारी अभियोगीहरु प्रहरीको पकड बाहिर

न्यूज ब्यूरो ||
जनकपुरधाम, २६ फागुन । जनकपुरको विभिन्न अपराधिक काण्डमा पटक–पटक मुच्छिएका जीवनाथ चौधरी सहित अन्य पाँच प्रतिवादीहरुलाई जिल्ला अदालत धनुषाले वारेन्ट जारी गरे पनि पक्राउ पर्न सकेका छैनन् भनेर जनकपुरबाट प्रकाशित हुने न्यूजपेपर दैनिक पत्रिकाको मुख्य पृष्ठमा समाचार छापिएको छ ।

प्रदेशसभा तथा प्रतिनिधिसभा निर्वाचनमा समयमा जनकपुरमा भएको एक छुरा काण्डको अभियुक्त बनाउदै गत पुस ७, २०७४ मा धनुषा जिल्ला अदालतका न्यायाधीश बासुदेव पौडेलको इजलासले ज्यान मार्ने उद्योग मुद्दामा थुनछेक आदेशको क्रममा फरार रहेका प्रतिवादी चौधरीलाई पक्राउ गर्न आदेश जारी थियो ।

यद्यपी, अदालतको आदेश बमोजिम जिल्ला प्रहरी कार्यालयले आरोपित चौधरीलाई पक्राउ गर्न नसक्दा झन जोखिम बढेको पिडित गुनासो पोखेका छन् । फरार सूचिमा रहेका चौधरी जनकपुरको विभिन्न कार्यक्रमहरुमा खुलेआम देखिएपछि देशको प्रहरी प्रशासनको नियतमाथि नै प्रश्न उठेको छ ।

चौधरीसंगै जनकपुर ६ निवासी ४५ वर्षिय बालकृष्ण अग्रवाल, महोत्तरी धमौरा भगवतीपुर घर भइ हाल जनकपुर ८ निवासी २६ वर्षिय नवनित झा, जनकपुर ८ निवासी ३५ वर्षिय आसुतोष झा भन्ने शशिभुषण झा, जनकपुर १० निवासी २७ वर्षिइ पंकज कुमार महतोलाई समेत पक्राउ गर्न अदालतले वारेन्ट जारी गरेको थियो ।

२ मंसिर २०७४ मा राति ९ बजेतिर जीवनाथ चौधरीको नेतृत्वमा पंकज महतो, आसुतोष झा, नवनित झा लगायत व्यक्तिहरु मिश्रको घरमा पुगेका थिए ।
९ निवासी रामानन्द युवा क्लबका पूर्व अध्यक्ष प्रकाश मिश्रलाई जीवननाथ चौधरी र रितिक राज अग्रवाल लगायतका व्यक्तिहरुले पेटमा छुरा प्रहार गरी ज्यान मार्ने प्रयास गरेको अभियोगमा अदालतले उक्त आदेश दिएको हो ।

पक्राउ परेका प्रतिवादीहरु मध्ये रितिक राज अग्रवाललाई महोत्तरीको जलेश्वर कारागारमा थुनामा राखी मुद्दाको पुर्पक्षमा राख्न भनि आदेश दिएको हो । यसैगरी पक्राउ परेका अर्का प्रतिवादी रितिक अग्रवालकी आमा मञ्जु देवी अग्रवाललाई ४५ हजार रुपैयाँ धरौटी लिई अदालतले रिहा गरेको छ । महतो र झा अदालतमा हाजिर भईसकेका छन् ।

घाइते प्रकाश मिश्रका बुवा बेदानन्द मिश्रले जाहेरी दिएपछि धनुषा प्रहरीले मंसिर ८, २०७४ मा प्रतिवादीहरु रितिक राज अग्रवाल र मञ्जु देवी अग्रवाललाई पक्राउ गरेको थियो। त्यसपछि घटनामा संलग्न भएका र फरारको सुचिमा रहेका अन्य प्रतिवादीहरु जीवननाथ चौधरी, पंकज महतो, आसुतोष झा भन्ने शशिभुषण झा, नवनित झा र बालकृष्ण अग्रवाललाई प्रक्राउ गर्न नसकिएको भन्दै जिल्ला प्रहरी कार्यालय धनुषाका प्रहरी नायव निरीक्षक धर्मेन्द्र ठाकुरले पुस २, २०७४ मा जिल्ला प्रहरी कार्यालय धनुषामा प्रतिवेदन दिएका थिए । फरार रहेको चौधरी सहित अन्य आरोपितहरुको खोजी कार्य भईरहेको जिल्ला प्रहरी कार्यालय धनुषाका डीएसपी प्रविण धिताल बताउँछन् ।

बेदानन्द मिश्रले आफ्नो छोरा (प्रकाश) तथा सम्पूर्ण परिवार राष्ट्रिय जनता पार्टी नेपालप्रति समर्पित रहेको तथा प्रतिवादीहरु नेपाली कांग्रेसका कार्यकर्ता भएको बताएका छन् । छोरा र परिवारलाई नेपाली कांग्रेसमा लाग्न भनि प्रतिवादीहरुले पटक पटक दवाव दिँदै आएको उनले जाहेरीमा उल्लेख गरेका छन् ।

२ मंसिर २०७४ मा राति ९ बजेतिर जीवनाथ चौधरीको नेतृत्वमा पंकज महतो, आसुतोष झा, नवनित झा लगायत व्यक्तिहरु मिश्रको घरमा पुगेका थिए । तर त्यतिबेला प्रकाश घरमा थिएनन् ।

प्रकाशलाई घरमा नभेट्टाएपछि उनीहरुले घरको आँगनमा रहेको गमला तोडफोड गर्नुका साथै गाली गलौच गरेका बुवा बेदानन्दको भनाइ छ । घरबाट निस्किएका उनीहरुले प्रकाशलाई बजारबाट फर्किने क्रममा फेला पारे ।

अँध्यारोमा लुकिरहेका उनीहरुलाई प्रकाशलाई छोपर कुट्न थाले । रितिक राज अग्रवालले प्रकाशको पेटमा छुरा प्रहार गरेको बुवा बेदानन्दले जाहेरीमा उल्लेख गरेका छन् । बुवा बेदानन्दले प्रतिवादीहरु सातै जनालाई ५ देखि १२ वर्षसम्मको कैद सजाय हुनुपर्ने जाहेरीमा माग गरेको भनेर आजको न्यूजपेपर दैनिक पत्रिकामा छापिएको छ ।