जनकपुरः मोटरसाईकल दुर्घटना हुँदा एक युवकको मृत्यू

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही दुरीमा रहेको धनुषाको बटेश्वरस्थित मोटरसाईकल दुर्घटना हुँदा एक युवकको मृत्यू भएको छ ।

धनुषाको बटेश्वर गाउँपालिका वडा नम्बर २ स्थित आईतबार राती भएको मोटरसाईकल दुर्घटनामा परी स्थानीय दल बहादुर आलेको मृत्यू भएको प्रहरीले जनाएको छ । आलेले चलाएको बा ५२ प ४२८३ नम्बरको मोटरसाइकल दुर्घटना हुँदा मृत्यु भएको प्रहरीले जनाएको छ।

आइतबार राति ११ बजे बटेश्वर बजारबाट घर फर्किने क्रममा आफैँले चलाएको बा ५२ प ४२८३ नम्बरको मोटरासइकल रमौली टोल नजिक आफैँ अनियन्त्रित भइ दुर्घटना हुँदा आले गम्भीर घाइते भएका थिए।

उपचारको लागि प्रादेशिक अस्पताल जनकपुर लैजाँदै गर्दा बाटोमै उनको मृत्यु भएको हो । प्रहरीका अनुसार उनले अत्यधिक मात्रामा मादक पदार्थ सेवन गरेर मोटरासइकल चलाउँदा दुर्घटना भएको हो।

आलेको शव पोस्टमार्टमको लागि प्रादेशिक अस्पताल जनकपुरमा राखिएको र घटना विषयमा थप अनुसन्धान भइरहेको छ।