बलात्कार आरोपमा व्यापार सँघका वरिष्ठ उपाध्यक्ष साह पक्राउ

न्यूज ब्यूरो, सिरहा । प्रदेश नम्बर २ को सिरहा जिल्लास्थितबाट एक व्यापारी महिला बलात्कार आरोपमा पक्राउ परेका छन् ।

सिरहाको गोलबजार नगरपालिका वडा नं. ४ बस्ने अन्दाजी बर्ष ५० का महेश साह (सुडी) उर्फ कोक्बालाई सिरहा प्रहरीले पक्राउ गरेको हो । उनलाई एक महिलासँग जबरदस्ती करणी गरेको आरोपमा पक्राउ गरिएको सिरहाका प्रहरी उपरीक्षक (एसपी) हिरालाल पाण्डेले जानकारी दिए ।

न्यूज ब्यूरोसँगको जिज्ञासामा उनले बलात्कार आरोपमा एक जना पुरुष पक्राउ परेको बताए । उनले व्यापारी पक्राउ परेको बारे आफूलाई थाहा नभएको प्रतिक्रिया दिएका छन् ,

विहिबार सिरहाको धनगढीमाई नगरपालिकास्थित रहेको कौशल एग्रो राईस मिलबाट साह पक्राउ परेका हुन् । साह आफैंले सँचालन गर्दै आएको सो राईस मिलबाट उनी पक्राउ परेका हुन् ।

जानकारी अनुसार, सोही राईस मिलमा काम गर्ने महिला कामदारलाई बलात्कार गरेको आरोप लगाइएको हो । महिलाले सिरहा प्रहरीमा दिएको उजुरीको आधारमा उनलाई पक्राउ गरिएको जनाइएको छ ।

पक्राउ परेका साह गोलबजार व्यापार संघका बरिष्ठ उपाध्यक्ष पनि हुन । गोलबजारस्थित सँचालनमा रहेको जय माँ धामीनी राइस मिलका मालिक रहेका साहलाई महिलाको उजुरीको आधारमा नियन्त्रणमा लिएको हो ।

उनलाई अहिले सिरहाको ईलाका प्रहरी कार्यालय लहानस्थित राखिएको छ । यस सन्दर्भमा लहानका डिएसपी तपन दाहालसँग सम्पर्क गर्दा कार्यालयको नम्बर स्वीच अफ आएको थियो भने जिल्ला प्रहरीका प्रवक्ताको नम्बर समेत स्वीच अफ आएको थियो ।

यस घटनाबारे सिरहा प्रहरीले अनुसन्धान सुरु गरेको छ भने उनलाई छुटाउनको लागि केही व्यापारी लागिपरेको बताइएको छ । यसबारे थप विवरण आउन बाँकी छ ।