महामारी नियन्त्रण र व्यवस्थापन समितिद्धारा रक्तदान

न्यूज ब्यूरो, धनुषा । कोरोना महामारीले देशैभर रगतको चरम अभाव हुन थालेपछि धनुषामा रक्तदान कार्यक्रम गरिएको छ ।

महामारी नियन्त्रण व्यवस्थापन समिति नामक गैर सरकारी सँस्थाद्धारा धनुषाको सबैला नगरपालिकाको ठिल्लास्थित रक्तदान कार्यक्रम गरिएको हो ।

सबैला नगरपालिका वार्ड नं. ८ ठिल्लामा गरिएको रगतदान कार्यक्रममा जम्मा २५ जनाले रक्तदान गरेको हो । ‘रगतको अभाव भएको बेलामा रक्तादान गर्नु आवश्यक रहेको कार्यक्रम आयोजना गरेका हौँ र यो कार्यक्रम गत,असार ७ गते मंगलबार उक्त नगरपालिका वार्ड नं.९ भठिहन बजारमा २२ जनाले रक्तदानमा सहभागीता जनाएका थिए।

नेपाल रेडक्रस सोसाइटी जनकपुर र आयोजक महामारी नियन्त्रण र व्यवस्थापन समितिको आयोजनामा उक्त कार्यक्रममा सहभागी वार्ड ८ को अध्यक्ष श्री दुर्गा प्रसाद राय थिए। अध्यक्ष द्वारा रेडक्रस सोसाइटी परिवार,महामारी टिम जनकपुर र ठिल्ला टिमलाई गम्छा ओढाएर स्वागत गरेका थिए।

रक्तदान गर्नेलाई महामारी नियन्त्रण र व्यवस्थापन समिति द्वारा प्रमाणपत्र समेत टिमद्वारा हस्तान्तरण गरेको थियोे।